Women’s U19 T20 World Cup : ఉమెన్స్ అండర్-19 టీ20 వరల్డ్ కప్ షెడ్యూల్ .. భారత్ మ్యాచ్‌లు ఎప్పుడు?

Women’s U19 T20 World Cup

ప్రపంచవ్యాప్తంగా ఉన్న క్రికెట్ లవర్స్‌కు అంతర్జాతీయ క్రికెట్ కౌన్సిల్ (ఐసీసీ) తీపి కబురు అందించింది. మహిళల అండర్-19 టీ20 ప్రపంచకప్‌(Women’s U19 T20 World Cup) 2027కు సంబంధించిన పూర్తి షెడ్యూల్‌ను ఐసీసీ అఫీషియల్‌గా బుధవారం రిలీజ్ చేసింది.

పొరుగు దేశాలైన బంగ్లాదేశ్, నేపాల్ సంయుక్తంగా నిర్వహించబోతున్న ఈ మెగా టోర్నీ 2027 జనవరి 21 నుంచి ఫిబ్రవరి 6 వ తేదీ వరకు అత్యంత కోలాహలంగా జరగబోతోంది. చిరకాల ప్రత్యర్థులైన భారత్, పాకిస్తాన్ జట్లను ఈసారి వేర్వేరు గ్రూపుల్లో డివైడ్ చేశారు. మొత్తం 16 దేశాలు పాల్గొనే ఈ ఆటోమేటిక్ క్రికెట్ వార్‌లో ఏకంగా 41 మ్యాచ్‌లు సాగనున్నాయి.

లేడీ యంగ్ టీమిండియా జనవరి 22వ తేదీన వెస్టిండీస్‌తో జరిగే మ్యాచ్‌ ద్వారా తన ప్రపంచకప్ వేటను ప్రారంభించబోతోంది. ఆ తర్వాత గ్రూప్ దశలో భాగంగా జనవరి 24వ తేదీన నేపాల్‌తో, జనవరి 26వ తేదీన ఐర్లాండ్ జట్టుతో భారత్ తలపడబోతోంది.

మరోవైపు పక్క గ్రూప్‌లో ఉన్న పాకిస్తాన్ తన తొలిపోరులో జనవరి 22వ తేదీన బలమైన దక్షిణాఫ్రికాను ఢీకొట్టబోతోంది. ఆ తర్వాత జనవరి 24వ తేదీన న్యూజిలాండ్‌తో, జనవరి 26వ తేదీన సమోవాతో మ్యాచ్‌లు ఆడబోతోంది. అత్యంత కీలకమైన గ్రూప్ దశ మ్యాచ్‌లన్నీ జనవరి 26వ తేదీతో ముగియనున్నాయి.

లీగ్ దశ ముగిసిన తర్వాత ప్రతి గ్రూప్ నుంచి క్వాలిఫై అయిన జట్లు సూపర్-6 రౌండ్‌లోకి వెళతాయి. అక్కడ అత్యుత్తమ ప్రతిభ కనబరిచి 2 గ్రూపుల్లో టాప్-2లో నిలిచే 4 జట్లు డైరెక్టుగా సెమీఫైనల్స్‌కు చేరుకుంటాయి. ఈ నాకౌట్ మ్యాచ్‌లు ఫిబ్రవరి 4వ తేదీన చటోగ్రామ్ వేదికగా జరగబోతున్నాయి.

వాతావరణం, ఇతర ఆటంకాలను దృష్టిలో పెట్టుకుని సెమీఫైనల్స్‌కు ఫిబ్రవరి 5వ తేదీన, అలాగే తుది పోరుకు ఫిబ్రవరి 7ను రిజర్వ్ డేలుగా ఐసీసీ కేటాయించింది. టైటిల్ విజేత ఎవరో తేలే గ్రాండ్ ఫైనల్ మాత్రం ఫిబ్రవరి 6వ తేదీన జరగనుంది. కాగా, ఇదే ఉత్సాహంతో వచ్చే ఏడాది మెన్ వన్డే ప్రపంచకప్ కూడా సౌతాఫ్రికా, జింబాబ్వే ఆతిథ్యంలో జరగబోతుండటంతో క్రికెట్ ఫ్యాన్స్‌కు వరుసగా ఎంటర్‌టైన్మెంట్ పంచే మెగా ఈవెంట్లు సిద్ధంగా ఉన్నట్లే.

Ravana Tandavam : రామాయణ నుంచి రావణ తాండవం గ్లింప్స్.. ఇండియన్ మ్యూజిక్ సెన్సేషన్స్ క్రేజీ కాంబో..