Agnihotra :అగ్నిహోత్రం వెనుక సైన్స్ ఏం చెబుతుంది?

Agnihotra

అగ్నిహోత్రం(Agnihotra) అనేది వేద సంస్కృతిలో మూలాలు కలిగిన ఒక పవిత్రమైన, ప్రత్యేకమైన అగ్ని ఆచారం. ఇది కేవలం ఒక మతపరమైన కర్మకాండ మాత్రమే కాదు, ఖగోళ సమయాలు, భూమి యొక్క అయస్కాంత క్షేత్రం , పర్యావరణ జీవవైవిధ్యంపై లోతైన ప్రభావం చూపే సూక్ష్మ-శక్తి ఇంజనీరింగ్ (Subtle Energy Engineering) ప్రక్రియ.

ఈ ఆచారం యొక్క సమయం చాలా కీలకం అంటారు పండితులు. సూర్యోదయం , సూర్యాస్తమయం యొక్క కచ్చితమైన సెకనుల్లోనే దీనిని నిర్వహించాలి. ఈ సంధికాలంలో, అగ్నిహోత్రం నిర్వహించే ప్రదేశంలో సూర్య కిరణాల శక్తి గరిష్టంగా ఉంటుంది. ఈ హోమాన్ని ఎల్లప్పుడూ రాగి లోహంతో తయారు చేయబడిన, నిర్దిష్ట కొలతలు కలిగిన పిరమిడ్ ఆకారపు కుండంలోనే చేయాలి.

రాగి లోహం అనేది ఉష్ణం, శక్తిని అత్యంత సమర్థవంతంగా ప్రసారం చేయగల సామర్థ్యం కలిగి ఉంటుంది. ఇది పిరమిడ్ ఆకృతితో కలిసి, ఆ ప్రాంతంలో ఒక ప్రత్యేకమైన శక్తి క్షేత్రాన్ని (Energy Field) సృష్టిస్తుంది. ఈ హోమం(Agnihotra)లో ఉపయోగించే పదార్థాలు కూడా చాలా పవిత్రమైనవి.

దేశీ ఆవు పేడ పిడకలు, ఆవు నెయ్యి ,అఖండ బియ్యం. ఆవు నెయ్యి యొక్క దహనం వలన గాలిలోకి విడుదలయ్యే ఎసిటిక్ ఆల్డిహైడ్ (Acetic Aldehyde) అనే రసాయనం, యాంటీ-ఫంగల్ , + యాంటీ-బాక్టీరియల్ లక్షణాలను కలిగి ఉంటుంది. పరిశోధనాత్మక అధ్యయనాలు, అగ్నిహోత్రం నిర్వహించబడిన ప్రాంతంలోని గాలిలో పాథోజెనిక్ బ్యాక్టీరియా (Pathogenic Bacteria) స్థాయిలు గణనీయంగా తగ్గాయని నిరూపించాయి, ఆ ప్రాంతపు వాతావరణం బాక్టీరియోస్టాటిక్ (Bacteriostatic) ప్రభావాన్ని కలిగి ఉంటుందని గుర్తించారు.

దీనికి తోడు, అగ్నిహోత్రం సమయంలో ఉత్పన్నమయ్యే పొగ, రేడియోధార్మికతతో సహా వాతావరణంలోని హానికరమైన కాలుష్య కణాలను సూక్ష్మ స్థాయిలో సేకరించి, వాటిని నిష్క్రియం (Neutralize) చేస్తుంది. పర్యావరణ కాలుష్యాన్ని తగ్గిస్తుంది. మానసిక స్థాయిలో, మంత్రోచ్ఛారణతో పాటు నిర్వహించబడే ఈ క్రియ, మెదడులోని ఆల్ఫా తరంగాల (Alpha Waves) ఉత్పత్తిని పెంచుతుంది.

ఇది ఒత్తిడి హార్మోన్లైన కార్టిసోల్ స్థాయిలను తగ్గించి, మనస్సుకు లోతైన ప్రశాంతతను, ఏకాగ్రతను అందిస్తుంది. అగ్నిహోత్రం అనేది ప్రకృతితో సామరస్యాన్ని సాధించడం, స్థూల, సూక్ష్మ స్థాయిలలో ఆరోగ్యాన్ని పునరుద్ధరించడం లక్ష్యంగా ఉన్న ఒక పర్యావరణ, ఆధ్యాత్మిక విజ్ఞానం.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి.