CM Chandrababu goal :కరవు రహిత రాష్ట్రమే లక్ష్యంగా సీఎం..నదుల అనుసంధానానికి చంద్రబాబు ఓటు

CM Chandrababu goal

ఆంధ్రప్రదేశ్ ముఖ్యమంత్రి నారా చంద్రబాబు నాయుడు వ్యవసాయ రంగాన్ని లాభసాటిగా మార్చడానికి, అన్నదాతల జీవితాల్లో శాశ్వత మార్పులు తీసుకురావడానికి నదుల అనుసంధానం అనే మెగా ప్రాజెక్టును తన ప్రధాన లక్ష్యం(CM Chandrababu goal)గా ప్రకటించారు. కడప జిల్లా పెండ్లిమర్రిలో ‘అన్నదాత సుఖీభవ-పీఎం కిసాన్’ రెండో విడత నిధులు విడుదల చేసిన సందర్భంగా ఆయన ఈ కీలక ప్రణాళికపై మాట్లాడారు.

ముఖ్యమంత్రి తన ప్రసంగంలో కృష్ణా, గోదావరి నదులతో పాటు రాష్ట్రంలోని చాలా నదులను సమర్థవంతంగా అనుసంధానం చేయాలని నిర్ణయించుకున్నట్లు తెలిపారు.
“ఎన్ని ఇబ్బందులు ఎదురైనా, ఎన్ని అడ్డంకులు వచ్చినా నదుల అనుసంధానం నుంచి వెనక్కి తగ్గేది లేదని” ఆయన స్పష్టం చేశారు. ఈ ప్రాజెక్టు ద్వారా రాష్ట్రంలోని ప్రతి ఎకరాకు సాగు నీరు అందిస్తామని రైతులకు హామీ ఇచ్చారు.

ఆంధ్రప్రదేశ్‌ను కరవు రహిత రాష్ట్రంగా తీర్చిదిద్దడమే తన ఏకైక లక్ష్య(CM Chandrababu goal)మని ముఖ్యమంత్రి పునరుద్ఘాటించారు.

గతంలో పట్టిసీమ ప్రాజెక్టు ద్వారా కృష్ణా, గోదావరి నదులను అనుసంధానం చేసి, కృష్ణా డెల్టాకు నీళ్లు అందించిన అనుభవం ఈ కొత్త ప్రణాళికకు మరింత బలం చేకూరుస్తోందని చెప్పారు.

నదుల అనుసంధానం ద్వారా కేవలం సాగునీటికే కాకుండా, రాష్ట్రం యొక్క మొత్తం జల వనరుల భద్రతను పెంచాలని ముఖ్యమంత్రి లక్ష్యంగా పెట్టుకున్నారు. నదులను అనుసంధానం చేయడం ద్వారా రాష్ట్రంలోని అన్ని రిజర్వాయర్లలో నీటిని నింపవచ్చు. దీనివల్ల సంవత్సరం పాటు వర్షాలు పడకపోయినా కూడా వ్యవసాయానికి మరియు తాగునీటికి పుష్కలంగా నీళ్లు అందుబాటులో ఉంటాయని ఆయన వివరించారు.

నదుల అనుసంధానంతో అన్ని చెరువులు నింపొచ్చు… భూగర్భ జలాలను (Ground Water) పెంచవచ్చు. అసలు భూమినే జలాశయంగా మార్చొచ్చు” అని సీఎం చంద్రబాబు పేర్కొన్నారు. ఇది దీర్ఘకాలికంగా రాష్ట్రంలోని రైతులకు మరియు పౌరులకు నీటి భద్రతను కల్పిస్తుంది.

నదుల అనుసంధానం ద్వారా నీటి సమస్యను పరిష్కరించిన తర్వాత, వ్యవసాయాన్ని లాభసాటిగా మార్చడానికి కొత్త పద్ధతులను అవలంబించాలని ముఖ్యమంత్రి రైతులకు సూచించారు:

మార్కెట్‌లో అధిక డిమాండ్ ఉన్న పంటలను సాగు చేయాలని ఆయన పిలుపునిచ్చారు. ఈ విధంగా చేస్తే, పంటలకు మంచి ధర లభిస్తుంది మరియు ఇతర దేశాలకు సైతం వ్యవసాయ ఉత్పత్తులను ఎగుమతులు చేసి అధిక లాభాలు పొందవచ్చని సూచించారు.

వ్యవసాయం(AgriTech)లో సాంకేతికత (టెక్నాలజీ) వినియోగాన్ని పెంచడం ద్వారా పంట దిగుబడిని, నాణ్యతను పెంచడంపై ప్రభుత్వం దృష్టి సారిస్తుంది.

సీఎం చంద్రబాబు నాయుడు నదుల అనుసంధాన ప్రణాళిక అనేది ఆంధ్రప్రదేశ్ రాష్ట్ర వ్యవసాయ రంగంలో ఒక కొత్త శకానికి నాంది పలకనుంది. నీటి సమృద్ధి ద్వారా రాష్ట్రంలోని ప్రతి ఎకరాను సస్యశ్యామలం చేసి, రైతుల భవిష్యత్తును ఆనందదాయకంగా మార్చాలన్న లక్ష్యంతో ప్రభుత్వం ముందుకు సాగుతోంది.

Annadata Sukhibhavva : అన్నదాత సుఖీభవ రెండో విడత విడుదల: మొత్తం రూ.7 వేల సాయం