Akhanda 2 crisis: అఖండ 2 సంక్షోభం.. సినీ పరిశ్రమకు ఇది హెచ్చరికా?

Akhanda 2 crisis

నందమూరి బాలకృష్ణ హీరోగా, బోయపాటి శ్రీను డైరక్షన్‌లో అత్యంత ప్రతిష్టాత్మకంగా తెరకెక్కిన ‘అఖండ 2′(Akhanda 2 crisis) విడుదలకు బ్రేక్ పడటం అనేది తెలుగు సినిమా వర్గాలకు, అభిమానులకు జీర్ణించుకోలేని విషయంగా మారింది. చివరి నిమిషంలో వచ్చిన వాయిదా ప్రకటనతో అప్పటికే థియేటర్ల వద్దకు చేరుకున్న అభిమానులు తీవ్ర నిరాశతో వెనుదిరిగారు.

ఈ మొత్తం వివాదానికి మెయిన్ రీజన్ నిర్మాతల ఆర్థిక లావాదేవీల్లో ఉన్న సమస్యలే. గురువారం ఎరోస్ ఇంటర్నేషనల్ మీడియా లిమిటెడ్ విడుదల చేసిన ప్రకటన ప్రకారం, 14 రీల్స్ ఎంటర్‌టైన్‌మెంట్ తమకు చెల్లించాల్సిన దాదాపు రూ. 28 కోట్ల బకాయిల విషయంలో మద్రాస్ హైకోర్టు నుంచి ఇంజక్షన్ ఆర్డర్ (నిలుపుదల ఉత్తర్వులు) తెచ్చుకుంది. ఈ బకాయిలు చెల్లించే వరకు ‘అఖండ 2’ (Akhanda 2 crisis)సినిమాను విడుదల చేయడం, పంపిణీ చేయడం లేదా వాణిజ్యపరంగా వాడుకోవడం కుదరదని కోర్టు ఆదేశాలు జారీ చేసింది. దీని వల్లే చివరి నిమిషంలో ఈ సినిమా ఆగిపోయింది.

దీనిపై నిర్మాతలు బహిరంగ ప్రకటనలో “అనివార్య కారణాల వల్ల ‘అఖండ 2’ షెడ్యూల్ ప్రకారం విడుదల కావడం లేదని బరువైన హృదయంతో తెలియజేస్తున్నాం. ఈ సమస్యను పరిష్కరించడానికి మేము శక్తివంచన లేకుండా కృషి చేస్తున్నాం” అని చెప్పింది. అయితే విడుదల తేదీపై ఎలాంటి స్పష్టత ఇవ్వకపోవడంపై అభిమానులు, ముఖ్యంగా దేశవిదేశాల్లోని పంపిణీదారులు (డిస్టిబ్యూటర్లు) తీవ్ర అసహనం వ్యక్తం చేస్తున్నారు.

ఇదిలా ఉండగా, ఈ సినిమా భవిష్యత్తు ఇప్పుడు కేవలం నిర్మాతలు, కోర్టు వివాదాల చేతిలోనే కాకుండా, ఓటీటీ సంస్థ చేతిలో కూడా ఉందని ట్రేడ్ వర్గాలు పేర్కొంటున్నాయి. ఈ సినిమా రిలీజ్ డేట్ నెట్‌ఫ్లిక్స్ ఇచ్చే ఆదేశాల ప్రకారమే ఫిక్స్ అయ్యే అవకాశం ఉంది. ఒకవేళ ఫైనాన్స్ గొడవలు త్వరగా క్లియర్ కాకపోతే, నిర్ణయించిన తేదీ ప్రకారం విడుదల చేయలేకపోయినందుకు ఓటీటీ సంస్థ కూడా తీవ్రమైన నిర్ణయం ప్రకటించే అవకాశం ఉందని ట్రేడ్ వర్గాలు హెచ్చరిస్తున్నాయి.

నందమూరి బాలకృష్ణ లాంటి అగ్రశ్రేణి హీరో, 50 ఏళ్ల నట జీవితం, అపారమైన ప్రజాదరణ ఉన్న వ్యక్తి నటించిన ‘అఖండ 2(Akhanda 2 crisis)’ సినిమా, రూ. 28 కోట్ల ఆర్థిక వివాదం కారణంగా చివరి నిమిషంలో విడుదల ఆగిపోవడం అనేది తెలుగు సినిమా పరిశ్రమకు ఒక తీవ్రమైన హెచ్చరికగా భావించాలి. ఈ ఒక్క సంఘటన సినీ పరిశ్రమలో నెలకొన్న పలు లోపాలను, ప్రమాదకర ధోరణులను బహిర్గతం చేసింది.

సినిమా అంటేనే వ్యాపారంలో రిస్క్ (Risk) ఉంటుంది. అయితే, బాలకృష్ణ(balakrishna) లాంటి స్టార్ హీరో సినిమాకు న్యాయపరమైన చిక్కులు, ఫైనాన్షియల్ సమస్యలు వస్తే, ఆ సినిమా విడుదలపైనే నిలుపుదల ఉత్తర్వులు (Injunction Orders) వస్తే, దీని పర్యవసానాలు చిన్న సినిమాలపై చాలా తీవ్రంగా ఉంటాయి.

అగ్ర హీరోల చిత్రాలకే నిర్మాతలు కోర్టు వివాదాల కారణంగా బకాయిలు చెల్లించలేకపోతే, చిన్న బడ్జెట్ చిత్రాల నిర్మాతల విశ్వసనీయత మార్కెట్లో మరింత తగ్గుతుంది. కొత్త నిర్మాతలు, చిన్న చిత్రాలకు ఫైనాన్స్ చేసేందుకు ఫైనాన్షియర్లు భయపడతారు.

ఒక పెద్ద సినిమా ఈ విధంగా వాయిదా పడితే, ఆ ప్రభావం ఆ తర్వాత విడుదల కావాల్సిన చిన్న చిత్రాల విడుదల తేదీలపై కూడా పడుతుంది. ‘అఖండ 2’ (Akhanda 2 crisis)కోసం ఎదురుచూసిన థియేటర్లు ఇప్పుడు చిన్న సినిమాలకు సహకరించకపోవచ్చు.

చిన్న చిత్రాలు వాయిదా పడితే, వాటిపై పెట్టిన వడ్డీ భారం (Interest Burden) అసాధారణంగా పెరిగిపోతుంది. ఈ పరిస్థితి చిన్న చిత్రాల నిర్మాతలకు భారీ నష్టాలను మిగులుస్తుంది.

పెద్ద బడ్జెట్ మూవీలకు ఇది హెచ్చరిక లాంటిదా అంటే నిస్సందేహంగా, ఇది పెద్ద బడ్జెట్ చిత్రాల నిర్మాణ సంస్థలకు భారీ హెచ్చరికే. సినిమా వ్యాపారం రూ. 100 కోట్లు లేదా రూ. 200 కోట్లకు చేరుకున్నప్పుడు, నిర్మాణం, పంపిణీలో పారదర్శకత (Transparency), ఆర్థిక క్రమశిక్షణ (Financial Discipline) అత్యవసరం.

ఈ సంఘటన నిర్మాతల వ్యాపార విశ్వసనీయతను ప్రశ్నార్థకం చేసింది. ఎరోస్ లాంటి పెద్ద సంస్థకే బకాయిలు చెల్లించకపోతే, భవిష్యత్తులో ఇతర డిస్ట్రిబ్యూటర్లు లేదా ఓటీటీ ప్లాట్‌ఫామ్‌లు (ముఖ్యంగా నెట్‌ఫ్లిక్స్ వంటివి) ఆ నిర్మాణ సంస్థతో ఒప్పందాలు చేసుకునేందుకు భయపడతాయి.

చివరి నిమిషంలో కోర్టు నుంచి ఆర్డర్ రావడం అంటే, నిర్మాణ దశలోనే ఆర్థిక వ్యవహారాలు పక్కాగా లేవని అర్థం. అందుకే నిర్మాతలు కోర్టు వ్యవహారాలను, పాత బకాయిలను వెంటనే క్లియర్ చేసుకోవాల్సిన అవసరం ఎంతైనా ఉంది.

సినిమా పరిశ్రమ ఈ వివాదాన్ని ఒక శుద్ధీకరణ ప్రక్రియగా (Purification Process) తీసుకోవాలి. ఇండియన్ సినిమా వర్క్స్ అసోసియేషన్స్ అందరూ కలిసి కూర్చుని, పెద్ద హీరోల చిత్రాలు విడుదలయ్యే ముందు ఆర్థిక వ్యవహారాలు అన్నీ పరిష్కారమయ్యాయని ధృవీకరించుకోవడానికి ఒక కొత్త పద్ధతిని అమలు చేయాలి.

అప్పులు, పంపిణీ హక్కులు, ఓటీటీ హక్కులకు సంబంధించిన ఒప్పందాలలో పూర్తి పారదర్శకత ఉండాలి.భారీ బడ్జెట్ చిత్రాలను ప్రకటించినప్పుడే, విడుదల తేదీకి చాలా ముందుగానే అన్ని చట్టపరమైన, ఆర్థికపరమైన సమస్యలను పరిష్కరించుకోవడానికి ఒక కట్టుదిట్టమైన ప్రణాళికను రూపొందించాలి.

ఈ మొత్తం వివాదం ఎప్పుడు క్లియర్ అవుతుందనే దానిపై ఇండస్ట్రీలో భిన్న వాదనలు వినిపిస్తున్నాయి. నిర్మాతలు ఫైనాన్స్ క్లియర్ చేసినట్టయితే వచ్చే వారం సినిమా విడుదల అవుతుందని కొందరు అంటుంటే..మరికొందరు మాత్రం ఈ(Akhanda 2 crisis) సినిమా రిలీజ్‌కు సరైన స్లాట్ లేకపోవడం వల్ల వచ్చే ఏడాది సమ్మర్‌లో ఈ సినిమాను విడుదల చేస్తారని అంటున్నారు.

మరిన్ని ఎంటర్‌టైన్‌మెంట్ వార్తల కోసం ఇక్కడ క్లిక్ చేయండి