Salaar 2:‘స‌లార్ 2’ రిలీజ్ ఇక అప్పుడేనా?

Salaar 2: పాన్ ఇండియా స్టార్ ప్రభాస్(Prabhas) వరుస మూవీస్‌తో ఫుల్ బిజీగా ఉన్నాడు. రీసెంట్‌గా కల్కి 2898 ADతో బాక్సాఫీస్‌ను షేక్ చేసిన డార్లింగ్, ప్రస్తుతం ఇతర ప్రాజెక్టులతో బిజీ షెడ్యూల్‌ను గడుపుతున్నాడు. అయితే, ఫ్యాన్స్ ఎంతో ఆతృతగా ఎదురుచూస్తున్న ‘సలార్ 2(Salaar 2) శౌర్యాంగ పర్వం’ మాత్రం ఇప్పట్లో సెట్స్‌పైకి వచ్చే అవకాశం లేదని టాలీవుడ్ వర్గాల్లో గుసగుసలు వినిపిస్తున్నాయి.

Salaar 2

ప్రభాస్ బిజీ షెడ్యూల్: సలార్ 2కు బ్రేక్?
ప్రస్తుతం ప్రభాస్ ‘ది రాజా సాబ్’ షూటింగ్‌లో బిజీగా ఉన్నాడు. ఈ మూవీ డిసెంబర్ 5న రిలీజ్ కానుంది. దీనితో పాటు, హను రాఘవపూడి డైరెక్షన్‌లో తెరకెక్కుతున్న ‘ఫౌజీ’ షూటింగ్ కూడా చేస్తున్నాడు. ఈ రెండు ప్రాజెక్టులు పూర్తయిన వెంటనే ‘సలార్ 2’పై దృష్టి పెడతారని ఫ్యాన్స్ ఆశించారు. కానీ, లేటెస్ట్ అప్‌డేట్స్ ప్రకారం, ‘సలార్ 2’(Salar 2) కోసం ప్రభాస్ పెద్ద గ్యాప్ తీసుకోబోతున్నాడట.

 సలార్ 2కు అసలు సమస్య ఇదే..!
‘సలార్’ ఫస్ట్ పార్ట్ బాక్సాఫీస్ దగ్గర బ్లాక్‌బస్టర్ హిట్‌గా నిలిచినా, సీక్వెల్‌పై క్లారిటీ లేకపోవడం ఫ్యాన్స్‌ను నిరాశపరుస్తోంది. దీనికి ప్రధాన కారణం దర్శకుడు ప్రశాంత్ నీల్(Prashanth Neel) బిజీ షెడ్యూలే. ప్రశాంత్ నీల్ ప్రస్తుతం ఎన్టీఆర్‌తో ‘డ్రాగన్’ మూవీ షూటింగ్‌లో ఉన్నాడు.

హోంబలే ఫిలిమ్స్ ‘సలార్ 2’ను త్వరగా సెట్స్‌పైకి తీసుకెళ్లాలని ప్లాన్ చేస్తున్నా, ప్రశాంత్ నీల్ షెడ్యూల్‌లో ‘డ్రాగన్’ తర్వాత అల్లు అర్జున్‌తో మరో మూవీ చేసే అవకాశం ఉందని టాక్. ఇక, దిల్ రాజు కూడా అల్లు అర్జున్‌తో భారీ మూవీ ‘రావణం’ చేయబోతున్నట్లు తెలుస్తోంది. ఈ పరిస్థితుల్లో, ప్రశాంత్ నీల్ షెడ్యూల్ ఎప్పుడు ఖాళీ అవుతుందో, ‘సలార్ 2’ షూటింగ్ ఎప్పుడు మొదలవుతుందో స్పష్టత లేదు.

ప్రభాస్ నెక్స్ట్ లైన్-అప్: ఫ్యాన్స్‌కు కొత్త ఆశలు
‘సలార్ 2’ ఆలస్యం అవుతున్నప్పటికీ, ప్రభాస్ ఫ్యాన్స్‌కు ఇతర మూవీస్తో గూస్ బంప్స్ ఇవ్వడానికి సిద్ధంగా ఉన్నాడు. ‘ది రాజా సాబ్’ తర్వాత హను రాఘవపూడి మరియు సందీప్ రెడ్డి వంగాతో ప్రభాస్ మూవీస్ చేసే అవకాశాలు ఉన్నాయి. మరి ఈ బిజీ షెడ్యూల్‌లో, ఎన్నో అంచనాలున్న ‘సలార్ 2’ ఎప్పుడు తెరకెక్కుతుందో చూడాలి. డార్లింగ్ ఫ్యాన్స్ ఎదురుచూపులు మరికొంత కాలం తప్పదనే చెప్పాలి.