Boycott: ట్రెండింగ్‌లో బాయ్ కాట్ అమెరికా ప్రొడెక్ట్స్..లిస్టులో ఏమేం ఉన్నాయో చూడండి..

Boycott

అమెరికా-భారత్ వాణిజ్య సంబంధాలు ఒక కీలక మలుపులో ఉన్నాయి. డొనాల్డ్ ట్రంప్ ప్రభుత్వం భారత్‌పై 50% భారీ సుంకాలు విధించడంతో, దీనికి ప్రతీకారంగా భారత్‌లో ‘బాయ్‌కాట్(Boycott) అమెరికా ప్రొడక్ట్స్’ అనే నినాదం మరోసారి సోషల్ మీడియాలో వైరల్ అవుతోంది. ఈ వాణిజ్య ఉద్రిక్తత కేవలం దేశాల మధ్యనే కాకుండా, సామాన్య ప్రజల జీవితాలపై, మార్కెట్‌పై కూడా తీవ్ర ప్రభావం చూపిస్తోంది.

అమెరికా విధించిన ఈ సుంకాలు భారత ఎగుమతులకు పెను సవాలుగా మారాయి. సుమారు $60.2 బిలియన్ విలువైన భారతీయ ఎగుమతులపై ఈ సుంకాలు ప్రభావం చూపిస్తాయి. ఇది కేవలం వ్యాపారానికి మాత్రమే కాకుండా, ఈ రంగాలపై ఆధారపడిన లక్షలాది మంది కార్మికుల ఉద్యోగాలపై కూడా ప్రతికూల ప్రభావం చూపే అవకాశం ఉంది.

ఈ పరిస్థితుల్లో, భారత్ మార్కెట్‌లో అమెరికాకు చెందిన అనేక ప్రముఖ బ్రాండ్లకు ఆందోళన మొదలైంది. పిల్లలకు హాట్ ఫేవరేట్ అయిన కేఎఫ్సీ నుంచి, ప్రపంచంలోనే అత్యధికంగా అమ్ముడవుతున్న పానీయాల బ్రాండ్ కోకా-కోలా వరకు అనేక అమెరికా ఉత్పత్తులు ఈ బాయ్‌కాట్(Boycott) నినాదంతో తీవ్రంగా ప్రభావితం కానున్నాయి.

ప్రొక్ట‌ర్ అండ్ గాంబుల్ (P&G) కంపెనీకి చెందిన ఏరియల్ వాషింగ్ పౌడర్, లోరియల్ గ్రూప్‌కు చెందిన గార్నియర్ స్కిన్‌కేర్ ఉత్పత్తులు, క్యాడ్‌బరీలో భాగమైన ఓరియో బిస్కెట్లు, కాఫీ ప్రియుల స్టార్ బక్స్, కూడా ఈ జాబితాలో ఉన్నాయి. ఓరియో ఒక్కటే భారత మార్కెట్‌లో దాదాపు 30% వాటాను కలిగి ఉండటం, గార్నియర్ ఇటీవల ప్లాస్టిక్ రీసైక్లింగ్‌లో ముందంజలో ఉండటం వంటివి వాటి ప్రాముఖ్యతను చూపిస్తాయి. అదేవిధంగా, నెస్లే కంపెనీకి చెందిన కిట్ క్యాట్ కూడా భారతదేశంలో బలమైన మార్కెట్‌ను కలిగి ఉంది. భారతదేశం కిట్ క్యాట్‌కు ప్రపంచంలోనే రెండవ అతిపెద్ద మార్కెట్.

ఈ బ్రాండ్లను బాయ్‌కాట్(Boycott) చేయడం వల్ల అమెరికా కంపెనీలకు కోట్ల డాలర్ల నష్టం వాటిల్లుతుంది. ఇది అమెరికా ఆర్థిక వ్యవస్థపై కూడా గణనీయమైన ప్రభావం చూపిస్తుంది. ఫలితంగా, ఉద్యోగ నష్టాలు, మార్కెట్ వాటా కోల్పోవడం వంటి పరిణామాలు చోటుచేసుకుంటాయి. అదేవిధంగా, భారతీయ ఆర్థిక వ్యవస్థ కూడా ఈ వాణిజ్య ఉద్రిక్తతల వల్ల 0.5% నుండి 1% వరకు నష్టపోవచ్చు. ఈ క్లిష్టమైన పరిస్థితిని ఎదుర్కోవడానికి రెండు దేశాల మధ్య వాణిజ్య ఒప్పందాలు, సంప్రదింపులు జరగడం అత్యవసరం.

మరిన్ని ఇంటర్నేషనల్ వార్తల కోసం ఇక్కడ క్లిక్ చేయండి