Skin cracking: చర్మం పగుళ్లుగా మారుతోందా? ఇవి శరీరానికి పంపే హెచ్చరికలు!

Skin cracking

చర్మం పొడిబారడం, పగుళ్లుగా మారడం అనేది చాలామందిలో కనిపించే సాధారణ సమస్య. చలికాలంలో ఇది మరింత ఎక్కువగా ఉన్నా, ఇతర సమయాల్లో కూడా ఇలా జరిగితే అది శరీరంలో ఏదైనా అంతర్గత సమస్య ఉందని చెప్పే సంకేతం కావచ్చు. ఈ సమస్యకు అనేక కారణాలు ఉండొచ్చు, వాటిని గుర్తించి తగిన జాగ్రత్తలు తీసుకోవడం ముఖ్యం.

నీటి లోపం (డీహైడ్రేషన్) చర్మం పొడిబారడా(Skin cracking)నికి ఒక ప్రధాన కారణం. శరీరానికి తగినంత నీరు అందనప్పుడు చర్మంలోని తేమ తగ్గిపోయి, చర్మం గట్టిగా, పొడిగా మారుతుంది. అందుకే ప్రతిరోజూ కనీసం 8-10 గ్లాసుల నీరు తాగడం చాలా అవసరం.

అలాగే, చర్మ ఆరోగ్యానికి కావాల్సిన విటమిన్లు ,ఖనిజాలు అందనప్పుడు, అంటే పోషకాహార లోపం ఉన్నప్పుడు కూడా చర్మం పొడిబారి, దురదగా మారుతుంది. విటమిన్ A, C, E, జింక్ వంటి పోషకాలు చర్మ ఆరోగ్యానికి చాలా ముఖ్యమైనవి. పండ్లు, కూరగాయలు, అణు ధాన్యాలు మీ ఆహారంలో చేర్చడం ద్వారా ఈ సమస్యను నివారించొచ్చు.

కొన్నిసార్లు, పొడి చర్మం(Skin cracking) దీర్ఘకాలిక ఆరోగ్య సమస్యలకు కూడా సూచన కావచ్చు. డయాబెటిస్ ఉన్నవారిలో రక్తంలో షుగర్ స్థాయిలు పెరగడం వల్ల చర్మం పొడిబారుతుంది. అలాగే, థైరాయిడ్ హార్మోన్లలో హెచ్చుతగ్గులు ఉన్నప్పుడు కూడా చర్మం పగుళ్లతో, పొడిగా మారుతుంది.

పొడి చర్మం సమస్యను తగ్గించుకోవడానికి మంచి మాయిశ్చరైజర్లు వాడటం ముఖ్యం. ఇవి చర్మాన్ని హైడ్రేటెడ్‌గా ఉంచడంలో సహాయపడతాయి. దీంతో పాటు, ఓమేగా-3 ఫ్యాటీ యాసిడ్స్ (సముద్ర చేపలు, అవిసె గింజలు), విటమిన్ E (బాదం, పొద్దుతిరుగుడు విత్తనాలు) వంటి పోషకాలు చర్మ ఆరోగ్యానికి ఎంతో ఉపయోగపడతాయి.

పొడి చర్మ(Skin cracking) సమస్య తీవ్రంగా ఉండి, మాయిశ్చరైజర్లు ఉపయోగించినా తగ్గకపోతే, వెంటనే వైద్యుడిని సంప్రదించడం అవసరం. ఇది అలర్జీలు లేదా ఇతర అంతర్గత సమస్యలకు సంకేతం కావొచ్చు. రోజువారీగా సరిపడా నీరు తాగడం, సరైన ఆహారం తీసుకోవడం, అవసరమైనప్పుడు మాయిశ్చరైజర్లు వాడటం, డయాబెటిస్, థైరాయిడ్ వంటి సమస్యలను ఎప్పటికప్పుడు పరీక్షించుకోవడం ద్వారా చర్మాన్ని ఆరోగ్యంగా ఉంచుకోవచ్చు. చర్మ ఆరోగ్యంపై శ్రద్ధ పెట్టడం అనేది మొత్తం శరీర ఆరోగ్యానికి చాలా ముఖ్యం.

Phone addiction:డిజిటల్ డిటాక్స్ అవసరమా? ఫోన్ వ్యసనం నుంచి ఎలా బయటపడాలి?