Shiva lingam: శివలింగంపై ఒక రంధ్రంలో నీరు పోస్తే శవం వాసన..ఎక్కడ?ఈ ఆలయ ప్రత్యేకతలు ఏంటి?

Shiva lingam

ఆంధ్రప్రదేశ్ రాష్ట్రం, గుంటూరు జిల్లా (Guntur District)లోని చేజర్ల అనే చిన్న గ్రామంలో వెలసిన కపోతేశ్వర స్వామి ఆలయం (Kapoteswara Swamy Temple) కేవలం ఒక పుణ్యక్షేత్రమే కాదు, ఎన్నో రహస్యాలు, అద్భుతాలు దాగి ఉన్న ప్రదేశం. ఈ పురాతన ఆలయం చరిత్రతో పాటు, ఇక్కడి శివలింగంపై ఉన్న వింత రంధ్రాలు భక్తులను, పరిశోధకులను ఆశ్చర్యానికి గురి చేస్తూ ఉంటాయి.

కపోతేశ్వర స్వామి ఆలయం విశిష్టత.. ఈ ఆలయంలోని ప్రధాన దైవం కపోతేశ్వర స్వామి. ఇక్కడి శివలింగం(Shiva lingam) అత్యంత విశిష్టమైనదిగా భావిస్తారు. ఈ ఆలయానికి సంబంధించిన స్థల పురాణం ప్రకారం, ఒకప్పుడు ఇక్కడ ఒక రాజు, పావురం (కపోతం) కోసం తన శరీరాన్ని త్యాగం చేయడానికి సిద్ధమయ్యాడట. ఆ రాజు త్యాగానికి మెచ్చి, శివుడు ఇక్కడ లింగరూపంలో వెలిశాడని కథనం. అందుకే స్వామివారికి కపోతేశ్వర స్వామి అనే పేరు వచ్చింది.

శివలింగం(Shiva lingam)లోని వింత రంధ్రాలు, నీటి రహస్యం..కపోతేశ్వర స్వామి లింగంపై ఉన్న రెండు రంధ్రాలు (Two Holes) తరతరాలుగా మిస్టరీగా మిగిలిపోయాయి. ఈ రంధ్రాలు సాధారణమైనవి కావు; వాటి వెనుక ఒక అంతుచిక్కని రహస్యం దాగి ఉంది.

దక్షిణ భాగం రంధ్రం (South Side Hole).. లింగాని(Shiva lingam)కి దక్షిణ భాగంలో ఉన్న రంధ్రంలోకి ఎవరైనా నీరు పోస్తే, ఆ నీటి నుంచి శవం కుళ్లినట్లుగా (Decaying Body Smell) లేదా మాంసం కుళ్లినట్లుగా తీవ్రమైన వాసన (Foul Smell) వస్తుంది. ఈ వాసన ఎందుకు వస్తుందనేది ఇప్పటికీ ఎవ్వరికీ అంతుబట్టని రహస్యం.

ఉత్తర భాగం రంధ్రం (North Side Hole).. లింగాని(Shiva lingam)కి ఉత్తర భాగంలో ఉన్న రంధ్రంలోకి నీరు పోస్తే, ఆ నీరు ఎక్కడికి పోతుందో, ఎలా మాయమవుతుందో ఎవ్వరికీ తెలియదు. ఆ నీరు లోపల నిలవకుండా భూమిలోపల ఏదో అజ్ఞాత మార్గం (Unknown Path) గుండా ప్రవహిస్తుందని భక్తులు భావిస్తారు.

ఈ రెండు రంధ్రాల విచిత్రమైన లక్షణాలు ఈ ఆలయాన్ని మరింత ప్రత్యేకంగా, ఆధ్యాత్మికంగా (Spiritual) మార్చాయి.చేజర్ల కపోతేశ్వర స్వామి ఆలయం చాలా ప్రాచీనమైనది (Ancient). ఈ ఆలయ నిర్మాణం మరియు శిల్పకళ కూడా ఆనాటి వైభవాన్ని చాటుతాయి. ఈ ఆలయాన్ని సందర్శించడానికి ఆంధ్రప్రదేశ్ నుంచే కాక, ఇతర ప్రాంతాల నుంచి కూడా భక్తులు పెద్ద సంఖ్యలో వస్తూ ఉంటారు. ఈ ఆలయం పురాణాల (Puranas) ప్రకారం ఎంతో ప్రాముఖ్యత కలిగినదిగా భావిస్తారు.

ప్రస్తుత ఆధునిక యుగంలో కూడా ఈ వింత రంధ్రాల వెనుక ఉన్న కారణాన్ని ఎవరూ పూర్తిగా కనిపెట్టలేకపోవడం ఈ ఆలయం యొక్క అద్భుత శక్తిని చాటుతుందని భక్తులు నమ్ముతారు.

Ancient Shivlinga: ప్రపంచంలోనే అతిపెద్ద పురాతన శివలింగం.. అసంపూర్తిగా ఎందుకు మిగిలిపోయింది?