srisailam : శ్రీశైలం మల్లన్న భక్తులకు శుభవార్త..

శ్రీశైలం(srisailam) మహాక్షేత్రం (devasthanam)లో కొలువైన మల్లికార్జున స్వామి (Mallikarjuna Swamy)ని దర్శించుకోవాలనుకునే భక్తులకు ఆలయ అధికారులు శుభవార్త తెలిపారు. ఇటీవల పునఃప్రారంభించిన స్వామివారి ఉచిత స్పర్శ దర్శనానికి సంబంధించి, ఇకపై టోకెన్ల పద్ధతిని ప్రవేశపెట్టనున్నారు. ఈ టోకెన్లు పూర్తిగా ఆన్‌లైన్ ద్వారానే జారీ చేయబడతాయని ఆలయ వర్గాలు వెల్లడించాయి.

Srisailam Temple:

శ్రీశైలంలో ఆన్‌లైన్ స్పర్శ దర్శనం టోకెన్లు- పూర్తి వివరాలు

జూలై 1వ తేదీ నుంచి స్పర్శ దర్శనం ప్రారంభమైన తర్వాత  శ్రీశైలం (srisailam) మల్లికార్జున స్వామి భక్తుల నుంచి అనూహ్య స్పందన లభించడంతో పాటు, రద్దీ కూడా భారీగా పెరిగింది. ఈ నేపథ్యంలో, భక్తులకు ఎటువంటి అసౌకర్యం కలగకుండా, దర్శన ప్రక్రియను సులభతరం చేసేందుకు శ్రీశైలం ఆలయ అధికారులు ఈ నిర్ణయం తీసుకున్నారు. శుక్రవారం పరిపాలన భవనంలో అధికారులతో సమావేశం నిర్వహించిన ఆలయ ఈవో, సామాన్య భక్తులకు ఇబ్బందులు లేకుండా స్వామివారి స్పర్శ దర్శనం కల్పించాలనే ఉద్దేశంతోనే ఈ ఆన్‌లైన్ విధానాన్ని ప్రవేశపెట్టినట్లు తెలిపారు.

ప్రస్తుతం స్వామివారి ఆర్జిత సేవా టిక్కెట్లను ఆన్‌లైన్‌లో ఎలా పొందుతున్నారో, అదే విధంగా భక్తులు ఈ ఉచిత స్పర్శ దర్శన టోకెన్లను కూడా ఆన్‌లైన్‌లో పొందవచ్చు. అయితే, ఈ టోకెన్లను ఎవరైనా దుర్వినియోగం చేసినట్లు తేలితే, వారిపై చట్టపరమైన చర్యలు తీసుకుంటామని ఈవో స్పష్టం చేశారు.

టోకెన్లు పొందే విధానం మరియు సమయాలు:
స్వామివారి స్పర్శ దర్శన టోకెన్లు( Online Tokens) వచ్చే వారం నుంచి ఆన్‌లైన్‌లో అందుబాటులోకి వస్తాయి. భక్తులు తమ దర్శన సమయాన్ని ముందుగానే బుక్ చేసుకోవచ్చు.

టోకెన్లు అందుబాటులో ఉండే రోజులు మరియు సమయాలు:

ప్రతి మంగళవారం నుండి శుక్రవారం వరకు

మధ్యాహ్నం 1:45 గంటల నుండి సాయంత్రం 3:45 గంటల వరకు

ఉచిత స్పర్శ దర్శనం టోకెన్లు పొందడానికి వెబ్‌సైట్‌లు:

www.aptemples.ap.gov.in

www.srisailadevasthanam.org

మొత్తంగా  భక్తులు ఈ వెబ్‌సైట్‌(Website)లను సందర్శించి, తమకు అనుకూలమైన సమయాన్ని ఎంచుకొని టోకెన్లను పొందవచ్చు. ఈ సదుపాయం ద్వారా శ్రీశైల మల్లికార్జున స్వామిని సులభంగా, ఎలాంటి రద్దీ లేకుండా దర్శించుకునే అవకాశం లభిస్తుంది.