Shreyasi Singh: నితీశ్ కేబినెట్లో సెంటర్ ఆఫ్ అట్రాక్షన్ శ్రేయసి సింగ్.. ఈమె బ్యాక్ గ్రౌండ్ ఏంటి?
Shreyasi Singh: శ్రేయసి సింగ్ది సుదీర్ఘ రాజకీయ అనుభవం ఉన్న కుటుంబం. ఆమె తండ్రి దివంగత దిగ్విజయ్ సింగ్, కేంద్ర మాజీ మంత్రిగా పనిచేశారు. తల్లి పుతుల్ కుమారి కూడా మాజీ ఎంపీ.
Shreyasi Singh
బీహార్ ముఖ్యమంత్రిగా నితీశ్ కుమార్ పదోసారి ప్రమాణ స్వీకారం చేసిన కార్యక్రమంలో, మంత్రిగా ప్రమాణం చేసిన యువ నాయకురాలు శ్రేయసి సింగ్ (Shreyasi Singh) అందరి దృష్టిని ఆకర్షించారు. రాజకీయ కుటుంబం నుంచి వచ్చినా కూడా, ఆమె అంతర్జాతీయ క్రీడా వేదికల నుంచి రాష్ట్ర మంత్రివర్గంలోకి అడుగు పెట్టడమే సోషల్ మీడియాలో ఆమె సెంటర్ ఆఫ్ అట్రాక్షన్గా మారడానికి ప్రధాన కారణం.
శ్రేయసి సింగ్(Shreyasi Singh), బీహార్ రాజకీయాల్లోకి రాకముందు ప్రొఫెషనల్ షూటర్గా భారతదేశానికి ప్రపంచ వేదికపై ప్రాతినిధ్యం వహించారు.
ఆమె 2018 కామన్వెల్త్ క్రీడల్లో డబుల్ ట్రాప్ ఈవెంట్లో ఏకంగా స్వర్ణ పతకం సాధించి దేశానికి గర్వకారణంగా నిలిచారు. అంతకుముందు 2014 కామన్వెల్త్ క్రీడల్లో రజత పతకం, ఆసియా క్రీడల్లో కాంస్య పతకం కూడా గెలుచుకున్నారు.క్రీడల్లో ఆమె అసాధారణ ప్రతిభకు గుర్తింపుగా, భారత ప్రభుత్వం ప్రతిష్టాత్మక అర్జున అవార్డుతో సత్కరించింది.
శ్రేయసి సింగ్(Shreyasi Singh)ది సుదీర్ఘ రాజకీయ అనుభవం ఉన్న కుటుంబం. ఆమె తండ్రి దివంగత దిగ్విజయ్ సింగ్, కేంద్ర మాజీ మంత్రిగా పనిచేశారు. తల్లి పుతుల్ కుమారి కూడా మాజీ ఎంపీ. అంతేకాకుండా, ఆమె తాత, తండ్రి ఇద్దరూ జాతీయ రైఫిల్ అసోసియేషన్ ఆఫ్ ఇండియా (NRAI)కు అధ్యక్షులుగా పనిచేయడం విశేషం.
బీజేపీలో అరంగేట్రం.. 2020లో భారతీయ జనతా పార్టీ (బీజేపీ)లో చేరిన వెంటనే, ఆమె జముయీ నియోజకవర్గం నుంచి ఎమ్మెల్యేగా విజయం సాధించారు. 2025 ఎన్నికల్లో కూడా ఆమె భారీ మెజారిటీతో గెలుపొంది, తన రాజకీయ బలాన్ని నిరూపించుకున్నారు.
అంతర్జాతీయ పతకాలు సాధించిన క్రీడాకారిణిగా, మరియు యువ మహిళా నాయకురాలిగా, శ్రేయసి సింగ్ బీహార్ మంత్రివర్గంలో స్థానం పొందడం ఒక సానుకూల పరిణామంగా నిలిచింది. బీజేపీకి చెందిన ఆమెకు మంత్రి పదవి దక్కడంతో, ఆమె తన శక్తిని, క్రమశిక్షణను రాష్ట్ర పరిపాలనలో ఎలా ఉపయోగిస్తారనే ఉత్సాహం అందరిలోనూ నెలకొంది. ఆమె ఇప్పుడు బీహార్లోని యువతకు మరియు మహిళలకు ఒక సెంటర్ ఆఫ్ అట్రాక్షన్ మరియు రోల్ మోడల్గా నిలుస్తున్నారు.
మరిన్ని నేషనల్ న్యూస్అప్ డేట్ కోసం ఇక్కడ క్లిక్ చేయండి
