IND vs NZ : వర్షం కరుణించింది టీమిండియా నిలిచింది.. న్యూజిలాండ్‌తో రెండో వన్డేలో భారత్ విక్టరీ..
IND vs NZ : భారత్ బౌలర్లు అద్భుత ప్రదర్శన కనబరచడం, బ్యాటర్లు తడబడినా కూడా వర్షం రూపంలో అదృష్టం కలిసిరావడంతో డక్‌వర్త్‌ లూయిస్‌ పద్ధతిలో టీమిండియా విజయాన్ని సాధించింది.
IND vs NZ
న్యూజిలాండ్ గడ్డపై టీమిండియా తన జోరును కంటిన్యూ చేస్తుంది. వెల్లింగ్టన్‌లో శనివారం జరిగిన ఉత్కంఠభరితమైన రెండో వన్డేలో భారత్ 4 రన్స్ తేడాతో కివీస్‌ను చిత్తు చేసింది. ఈ విజయంతో ఐదు వన్డేల సిరీస్‌లో భారత్ 2-0 ఆధిక్యంలోకి దూసుకెళ్లింది. భారత్ బౌలర్లు అద్భుత ప్రదర్శన కనబరచడం, బ్యాటర్లు తడబడినా కూడా వర్షం రూపంలో అదృష్టం కలిసిరావడంతో డక్‌వర్త్‌ లూయిస్‌ పద్ధతిలో టీమిండియా విజయాన్ని సాధించింది.
టాస్ ఓడి బ్యాటింగ్‌కు దిగిన న్యూజిలాండ్‌కు భారత(IND vs NZ) బౌలర్లు స్టార్టింగ్‌ నుంచే చుక్కలు చూపించారు. అఖిబ్ నబీ, అన్షుల్ కాంబోజ్ చెరో రెండు వికెట్లతో కివీస్‌ను ఒత్తిడిలోకి నెట్టగా.. స్పిన్నర్ అక్షర్ పటేల్ కూడా రాణించాడు. ముఖ్యంగా యువ పేసర్ గుర్నూర్‌ బ్రార్‌ కేవలం 4 వికెట్లతో చెలరేగి కివీస్ బ్యాటింగ్ ఆర్డర్‌ను బ్యాక్ టు బ్యాక్ కుప్పకూల్చాడు. డారిల్ మిచెల్ (55) పోరాడినా కూడా, మిగతా వారు విఫలమవడంతో న్యూజిలాండ్ 41 ఓవర్లలో కేవలం 134 పరుగులకే ఆలౌటైంది.
అంతంతమాత్రపు టార్గెట్‌తో బరిలోకి దిగిన భారత్‌కు స్టార్టింగ్‌లోనే అనుకోని షాక్‌లు తగిలాయి. కెప్టెన్ శుభ్‌మన్ గిల్ గోల్డెన్ డక్‌గా వెనుదిరగగా.. విరాట్ కోహ్లీ 7 పరుగులు మాత్రమే చేసి నిరాశపరిచాడు. రోహిత్ శర్మ (23), శ్రేయాస్ అయ్యర్ (30) కాస్త ఆదుకునే ప్రయత్నం చేసినా వరుస తప్పకుండా వికెట్లు పడటంతో టీమిండియా కష్టాల్లో పడింది.
కేఎల్ రాహుల్ (26) క్రీజులో నిలిచినా, 26 ఓవర్లలో 7 వికెట్ల నష్టానికి 113 రన్స్ చేసిన టైమ్‌లో భారీ వర్షం కురిసింది. ఎంతకీ గేమ్ స్టార్ట్ కాకపోవడంతో అంపైర్లు మ్యాచ్‌ను నిలిపివేశారు. చివరకు డీఎల్‌ఎస్‌ లెక్కల ప్రకారం భారత్ 4 రన్స్ ఆధిక్యంలో ఉండటంతో విజేతగా ప్రకటించారు.
