Graves: జపాన్ లో సమాధులకు బార్‌కోడ్..ఈ వింత ఆచారం ఎందుకు?

Graves

ఈ ప్రపంచంలో సాంకేతికత (Technology) ఎన్నో అద్భుతాలను సృష్టిస్తోంది. అందులో జపాన్ దేశం, సాంకేతిక ఆవిష్కరణలలో ఎప్పుడూ ముందుంటుంది. తరచుగా ప్రకృతి విపత్తులైన సునామీలు, భూకంపాలు సంభవించే ఈ దేశంలో, మరణించిన వారి సమాధుల(graves)ను గుర్తించడం ఒక పెద్ద సవాలుగా మారింది. ఈ సమస్యకు పరిష్కారంగా, జపాన్ దేశం సమాధులపై బార్‌కోడ్ (Barcode)లను ఏర్పాటు చేసే ఒక వినూత్న సాంకేతికతను అభివృద్ధి చేసింది.

సినిమాల్లో కనిపించే కామెడీ సన్నివేశాల్లా కనిపించినా.. జపాన్‌లో ఈ సాంకేతికత ఒక ఆచారంగా మారింది. ఎవరైనా మరణించినప్పుడు, వారిని పూడ్చిపెట్టిన తర్వాత ఆ సమాధిపై ఒక బార్‌కోడ్‌ను అమరుస్తారు. ఈ బార్‌కోడ్‌ను స్కాన్ చేయడం ద్వారా ఆ సమాధి(graves)లో ఉన్న వ్యక్తికి సంబంధించిన పూర్తి వివరాలు తెలుసుకోవచ్చు.

ఈ సాంకేతికతకు ప్రధాన కారణం, సునామీ లేదా ఇతర విపత్తుల వల్ల సమాధులు దెబ్బతిన్నప్పుడు లేదా కొట్టుకుపోయినప్పుడు చనిపోయినవారి వివరాలు గుర్తించడం కష్టమవుతుంది. అయితే, ఈ బార్‌కోడ్‌ల సహాయంతో మరణించిన వ్యక్తి పేరు, వారి కుటుంబ వివరాలు, పుట్టిన తేదీ, మరణించిన తేదీ, వృత్తి వంటి సమాచారాన్ని సులభంగా తిరిగి పొందొచ్చు. ఇది మరణించిన వ్యక్తికి, వారి కుటుంబ సభ్యులకు గౌరవాన్ని ఇవ్వడమే కాకుండా, సమాధులు దెబ్బతిన్నప్పుడు కూడా జ్ఞాపకాలను భద్రపరచడానికి సహాయపడుతుంది.

జపాన్‌లో ప్రజలు తమ సాంస్కృతిక ఆచారాలకు చాలా ప్రాముఖ్యత ఇస్తారు. ఈ సాంకేతికత కూడా ఆ గౌరవానికి ఒక నిదర్శనం. ఆధునికతను సంప్రదాయంతో కలపడం ద్వారా, మరణానంతర సంస్కారాలలో కూడా వారు తమ ప్రత్యేకతను చాటుకుంటున్నారు. ఇలాంటి సాంకేతికతలు ప్రపంచంలోని ఇతర దేశాలకు కూడా ఆదర్శంగా నిలుస్తున్నాయి.

Allu Arjun :సైమా వేదికపై మెరిసిన అల్లు అర్జున్..వరుసగా మూడోసారి