Global Peace: గ్లోబల్ పీస్ ఇండెక్స్ 2025..భారత్ ర్యాంక్ మరీ ఇంత దారుణమా?

Global Peace

ప్రపంచంలో శాంతి, భద్రత, సుస్థిరతను కొలిచే గ్లోబల్ పీస్ ఇండెక్స్ (Global Peace) 2025 నివేదిక ప్రకారం, భారతదేశం 234 దేశాల జాబితాలో 135వ స్థానంలో నిలిచింది. ఇది భారతదేశం యొక్క శాంతిస్థాయి మధ్యస్థంగా ఉన్నా కూడా, టాప్ 100లోకి కూడా ప్రవేశించడంలో దేశం ఎదుర్కొంటున్న సవాళ్లను స్పష్టంగా చూపిస్తుంది. ఈ ర్యాంకింగ్ వెనుక అనేక అంతర్గత, బాహ్య కారణాలు ఉన్నాయి.

చైనా, పాకిస్థాన్‌లతో ఉన్న సరిహద్దు వివాదాలు, తరచుగా జరిగే ఘర్షణలు దేశ భద్రతపై తీవ్ర ప్రభావాన్ని చూపుతున్నాయి. అలాగే, మావోయిస్టుల పోరాటాలు, మత ఘర్షణలు , వివిధ రాష్ట్రాలలో రాజకీయ అస్థిరత వంటి అంతర్గత సమస్యలు దేశం యొక్క మొత్తం శాంతి సూచికను ప్రభావితం చేస్తున్నాయి. మతం, కులం, జాతి పరమైన వివాదాలు, పట్టణ, గ్రామీణ ప్రాంతాల మధ్య అసమానతలు సామాజిక ఐక్యతను దెబ్బతీసి, శాంతికి భంగం కలిగిస్తున్నాయి.

ఈ నివేదిక ప్రకారం, ప్రపంచంలో అత్యంత శాంతియుత దేశాలుగా ఐస్‌లాండ్, డెన్మార్క్, న్యూజిలాండ్, పోర్చుగల్, సింగపూర్, స్విట్జర్లాండ్, ఆస్ట్రియా, జపాన్, నార్వే, ఫిన్లాండ్ నిలిచాయి. ఈ దేశాల్లో తక్కువ నేరాలు, రాజకీయ సుస్థిరత, సమర్థవంతమైన ప్రభుత్వ పాలన, సామాజిక సమానత్వం , సైనిక వ్యయం తక్కువగా ఉండటం వంటి లక్షణాలు ఉన్నాయి.

కానీ విశ్లేషకుల అభిప్రాయం ప్రకారం.. భారతదేశంలో నేరాల సూచికలలో హెచ్చుతగ్గులు ఉన్నాయి. అలాగే, పాలనా నాణ్యత ప్రాంతాల వారీగా మారుతూ ఉంటుంది. పేదరికం, నిరుద్యోగం వంటి కీలక సమస్యలు కూడా శాంతికి అవరోధాలుగా నిలుస్తున్నాయి.

అందుకే, భారతదేశం గ్లోబల్ పీస్ (Global Peace) ఇండెక్స్‌లో తన స్థానాన్ని మెరుగుపరుచుకోవాలంటే సరిహద్దు వివాదాలను పరిష్కరించడం, అంతర్గత శాంతిని బలోపేతం చేయడం, సామాజిక ఐక్యతను పెంచడం, పాలనా వ్యవస్థను మెరుగుపరచడం, పేదరికాన్ని తగ్గించడం వంటి చర్యలు తీసుకోవడం అవసరం. ఈ చర్యల ద్వారా భారతదేశం తన శాంతి స్థాయిని గణనీయంగా మెరుగుపరచుకొని, భవిష్యత్తులో మరింత మెరుగైన స్థానాన్ని పొందగలదు.

Diabetes: డయాబెటిస్‌ను ప్రారంభంలోనే గుర్తిస్తే పెద్ద ప్రమాదం తప్పినట్లే