GST: జీఎస్టీలో సంచలన సంస్కరణలు.. సామాన్యులకు ఊరట లభిస్తుందా?

GST

ఢిల్లీలో జరిగిన జీఎస్టీ కౌన్సిల్ సమావేశం దేశ ఆర్థిక చరిత్రలో ఒక కొత్త అధ్యాయానికి నాంది పలికింది. ఆర్థిక మంత్రి నిర్మలా సీతారామన్ అధ్యక్షతన సుదీర్ఘంగా జరిగిన ఈ సమావేశంలో, పన్నుల(GST) విధానాన్ని సరళీకృతం చేస్తూ కొన్ని కీలక నిర్ణయాలు తీసుకున్నారు. ముఖ్యంగా, సామాన్య ప్రజలు, వ్యాపారులు,ప్రభుత్వం… ఇలా అన్ని వర్గాలకు ప్రయోజనం చేకూరేలా ఈ మార్పులు ఉన్నాయని నిపుణులు అభిప్రాయపడుతున్నారు.

రెండు స్లాబ్‌లు తొలగింపు, పన్ను విధానంలో మార్పులు..ఇప్పటివరకు అమలులో ఉన్న 12% , 28% జీఎస్టీ స్లాబ్‌లను పూర్తిగా తొలగించారు. ఇకపై కేవలం 5% , 18% స్లాబ్‌లు మాత్రమే ఉంటాయి. అయితే, ఈ మార్పులు కేవలం సామాన్యులకు మాత్రమే కాదు, ప్రభుత్వానికి కూడా లాభం చేకూరుస్తాయి. లగ్జరీ వస్తువులు పొగాకు వంటి హానికరమైన వస్తువులపై కొత్తగా 40% పన్ను విధించారు. దీనివల్ల ప్రభుత్వం తన ఆదాయాన్ని పెంచుకోవడమే కాకుండా, ఇలాంటి వస్తువుల వినియోగాన్ని కూడా నిరోధించాలని లక్ష్యంగా పెట్టుకుంది.

వ్యాపారులు, ఎగుమతిదారులకు వెసులుబాటు..ఈ సంస్కరణల వల్ల వ్యాపారులకు కూడా మేలు జరిగింది. పన్నుల విధానం సులభతరం కావడం వల్ల పన్ను లెక్కలు వేయడం, రిపోర్టింగ్ చేయడం సులభం అవుతుంది. అలాగే, ఎగుమతిదారులకు జీఎస్టీ రీఫండ్ ప్రక్రియను ఆటోమేటిక్ చేసి, రిజిస్ట్రేషన్ సమయాన్ని నెల రోజుల నుంచి కేవలం మూడు రోజులకు తగ్గించారు. ఇది వారి వ్యాపార కార్యకలాపాలను వేగవంతం చేస్తుంది.

ఈ పన్నుల మార్పు వల్ల కొన్ని వస్తువుల ధరలు తగ్గుతాయని విశ్లేషకులు చెబుతున్నారు. ముఖ్యంగా, 12% స్లాబ్‌లో ఉన్న రోజువారీ అవసరాల వస్తువులను 5% స్లాబ్‌లోకి మార్చడం వల్ల ప్రజలు కొంత డబ్బు ఆదా చేసుకోవచ్చు. కానీ, ఈ ధరల తగ్గుదల అనేది ఒక క్షణిక ప్రభా వం మాత్రమే కావొచ్చని నిపుణులు హెచ్చరిస్తున్నారు. పన్నులు తగ్గినా, మార్కెట్‌లో సరఫరా, డిమాండ్, ఇతర పన్నుల ప్రభావాలు కూడా ధరలను ప్రభావితం చేస్తాయి.

జీఎస్టీ కౌన్సిల్ తీసుకున్న సంచలన నిర్ణయాలతో సెప్టెంబర్ 22, 2025 నుంచి కొన్ని వస్తువుల ధరలు పెరగనున్నాయి, మరికొన్ని తగ్గనున్నాయి. ప్రభుత్వం 12%, 28% స్లాబ్‌లను తొలగించి, పన్నుల వ్యవస్థను సరళీకరించింది. దీనివల్ల నిత్యావసరాలు, ఇతర వస్తువుల ధరలు తగ్గుతాయి, కానీ హానికరమైన, లగ్జరీ వస్తువుల ధరలు పెరుగుతాయి.

ధరలు తగ్గనున్న వస్తువుల జాబితా..పనీర్, చెన్నా, పాలు, బైసికిళ్లు, చెప్పులు, వైద్య పరికరాలు వంటి నిత్యావసరాలపై జీఎస్టీని 12% నుండి 5%కి తగ్గించారు. ఐస్‌క్రీమ్, చాక్లెట్లు, సబ్బులు, టూత్‌పేస్ట్, షాంపూ వంటి వస్తువులపై పన్ను 18% నుంచి 5%కి తగ్గించారు.సిమెంట్, మార్బుల్ వంటి నిర్మాణ వస్తువుల ధరలు కూడా తగ్గనున్నాయి.

ధరలు పెరగనున్న వస్తువుల జాబితా..కోల్, లిగ్నైట్ పన్ను 5% నుంచి 18%కి పెరిగింది.తుపాకులు, సిగరెట్లు, పాన్ మసాలా వంటి వాటిపై పన్ను 28% నుండి 40%కి పెరిగింది, అయితే పాన్ మసాలా, గుట్కా, సిగరెట్లు, బీడీ వంటి వాటిపై ప్రస్తుతం ఉన్న రేట్లు కొనసాగుతాయి.

లగ్జరీ వస్తువులపై పన్ను(GST)ను 40%కి పెంచడం అనేది సామాన్యులకు ప్రత్యక్షంగా ఎలాంటి లాభం ఇవ్వదు. అయితే, దీనివల్ల సంపన్న వర్గాల నుంచి ప్రభుత్వానికి పన్ను ఆదాయం పెరుగుతుంది. ఈ చర్య వల్ల లగ్జరీ వస్తువుల వినియోగం కొంతవరకు తగ్గే అవకాశం ఉందని విశ్లేషకులు అభిప్రాయపడుతున్నారు.

పన్నుల స్లాబ్‌లను సరళీకృతం చేయడం వల్ల వ్యాపారులకు పన్నుల వ్యవస్థను అర్థం చేసుకోవడం సులభం అవుతుంది. ఇది వ్యాపారాన్ని ప్రోత్సహిస్తుంది, దేశ ఆర్థిక వ్యవస్థను దీర్ఘకాలంలో బలోపేతం చేస్తుంది. అయితే, సామాన్య ప్రజలకు పూర్తిస్థాయిలో లాభాలు చేకూరడానికి కొంత సమయం పడుతుందని నిపుణులు చెబుతున్నారు. ఈ మార్పుల వల్ల వ్యవస్థ పారదర్శకంగా మారితే, దాని ప్రయోజనాలు మెల్లమెల్లగా ప్రజలకు అందుతాయి.

ఈ పన్నుల మార్పు వల్ల కొన్ని వస్తువుల ధరలు తగ్గుతాయని విశ్లేషకులు చెబుతున్నారు. ముఖ్యంగా, 12% స్లాబ్‌లో ఉన్న రోజువారీ అవసరాల వస్తువులను 5% స్లాబ్‌లోకి మార్చడం వల్ల ప్రజలు కొంత డబ్బు ఆదా చేసుకోవచ్చు. కానీ, ఈ ధరల తగ్గుదల అనేది ఒక క్షణిక ప్రభా వం మాత్రమే కావొచ్చని నిపుణులు హెచ్చరిస్తున్నారు. పన్నులు తగ్గినా, మార్కెట్‌లో సరఫరా, డిమాండ్, ఇతర పన్నుల ప్రభావాలు కూడా ధరలను ప్రభావితం చేస్తాయి.

Smartphone: స్మార్ట్‌ఫోన్ వేడెక్కుతుందా? ఈ చిట్కాలు మీ కోసమే