Shampoo: జుట్టుకు పూర్తి పోషణ ఇచ్చేలా షాంపూను ఎలా వాడాలో తెలుసా?

Shampoo

సాధారణంగా మనం షాంపూని నీళ్లతో కలిపి తలస్నానం చేస్తుంటాం. కానీ షాంపూ(Shampoo)కి కొన్ని సహజ పదార్థాలను జోడించడం ద్వారా జుట్టుకు మరింత ప్రయోజనం చేకూరుతుందని సౌందర్య నిపుణులు చెబుతున్నారు. ఈ పదార్థాలు జుట్టును ఆరోగ్యంగా, మెరిసేలా చేయడమే కాకుండా, కొన్ని జుట్టు సమస్యలను కూడా పరిష్కరిస్తాయి.

రోజ్ వాటర్.. షాంపూలో కొద్దిగా రోజ్ వాటర్ కలపడం వల్ల తల కుదుళ్ల దగ్గర వచ్చే దురద తగ్గుతుంది. రోజ్ వాటర్‌లో ఉండే యాంటీ-ఇన్‌ఫ్లమేటరీ లక్షణాలు చర్మంపై చికాకును తగ్గిస్తాయి. అంతేకాకుండా ఇది జుట్టును మృదువుగా, సిల్కీగా, మెరిసేలా చేస్తుంది. జుట్టుకు సహజమైన సువాసన కూడా అందిస్తుంది.

ఎసెన్షియల్ ఆయిల్.. జుట్టు రాలే సమస్యతో బాధపడేవారికి ఎసెన్షియల్ ఆయిల్ ఒక మంచి పరిష్కారం. షాంపూ(Shampoo)లో ఒక చుక్క టీ ట్రీ ఆయిల్, లావెండర్ ఆయిల్ లేదా రోజ్‌మేరీ ఆయిల్ వంటి వాటిని కలపడం వల్ల జుట్టు కుదుళ్లు బలపడి, జుట్టు రాలడం తగ్గుతుంది. ఈ నూనెలు స్కాల్ప్‌ను పోషించి, జుట్టు మరింత ఒత్తుగా పెరిగేందుకు సహాయపడతాయి.

నిమ్మరసం.. నిర్జీవంగా, నిస్తేజంగా ఉన్న జుట్టుకు ప్రాణం పోయడానికి షాంపూలో నిమ్మరసం కలపడం మంచిది. నిమ్మరసంలో ఉండే సిట్రిక్ యాసిడ్ జుట్టుకు సహజమైన మెరుపునిస్తుంది. ఇది జుట్టు పొరలను శుభ్రం చేసి, చుండ్రు వంటి సమస్యలను తగ్గించడంలో కూడా సహాయపడుతుంది. నిమ్మరసం కలిపిన షాంపూతో తలస్నానం చేయడం వల్ల వెంట్రుకలు నిగనిగలాడుతూ, ఆరోగ్యంగా కనిపిస్తాయి.

Pulses: పప్పులు ఇలా తింటేనే సంపూర్ణ ఆరోగ్యమట..

తేనె.. జుట్టు పొడిబారకుండా, తేమగా ఉండేందుకు తేనె ఒక అద్భుతమైన పదార్థం. తేనెను షాంపూలో కలపడం వల్ల జుట్టుకు లోతైన తేమ అందుతుంది. తేనె ఒక సహజమైన హ్యూమెక్టెంట్ (humectant) లా పనిచేస్తుంది, గాలిలోని తేమను గ్రహించి జుట్టులో నిలుపుకుంటుంది. ఇది కుదుళ్లను ఆరోగ్యంగా ఉంచి, జుట్టు పొడిబారకుండా రోజంతా తాజాగా ఉండేలా చేస్తుంది.

జుట్టు సంరక్షణ కోసం మార్కెట్‌లో లభించే రసాయనాలతో కూడిన ఉత్పత్తులకు బదులుగా, ఇంట్లో దొరికే ఈ సహజ పదార్థాలను ఉపయోగించడం ద్వారా జుట్టు ఆరోగ్యాన్ని మెరుగుపరుచుకోవచ్చు.

Bigg Boss: బిగ్ బాస్ అగ్నిపరీక్ష ప్రయోగం ఫెయిలా? సక్సెసా?