Beautiful skin:అందమైన చర్మం కోసం వంటింటి చిట్కాలు

Beautiful skin

ఆరోగ్యంగా, నిగనిగలాడే చర్మం కోసం లక్షలు ఖర్చు చేయాల్సిన అవసరం లేదు. మన ఇళ్లలో దొరికే సహజ పదార్థాలతో, కొన్ని చిన్నపాటి జీవనశైలి మార్పులతో అద్భుతమైన ఫలితాలను పొందవచ్చు. చర్మాన్ని ఆరోగ్యంగా ఉంచుకోవడం ఒక రోజులో జరిగే ప్రక్రియ కాదు. దానికి నిరంతర సంరక్షణ అవసరం.

చర్మా(beautiful skin)న్ని శుభ్రంగా ఉంచుకోవడం చాలా ముఖ్యం. బయటి కాలుష్యం, దుమ్ము, మేకప్ వంటివి చర్మ రంధ్రాలను మూసుకుపోతాయి. దీంతో మొటిమలు, మచ్చలు వచ్చే అవకాశం ఉంది. అందుకే, మీరు రోజూ కనీసం రెండుసార్లు, ఉదయం లేవగానే, రాత్రి పడుకునే ముందు, ముఖాన్ని శుభ్రం చేసుకోవాలి. సల్ఫేట్ లేని, తేలికపాటి ఫేస్ వాష్ వాడటం వల్ల చర్మం సహజ నూనెలను కోల్పోకుండా ఉంటుంది. అలాగే, వారానికి ఒకసారి ముఖానికి స్టీమ్ (ఆవిరి పట్టడం) ఇస్తే, రంధ్రాలు తెరుచుకుని లోపల ఉన్న మురికి బయటకు వస్తుంది.

చర్మం (beautiful skin)ఆరోగ్యానికి అత్యంత ముఖ్యమైనది హైడ్రేషన్. మన శరీరంలో నీటి శాతం తగినంత లేకపోతే, చర్మం పొడిబారి, నిర్జీవంగా కనిపిస్తుంది. రోజూ కనీసం 8-10 గ్లాసుల నీళ్లు తాగాలి. అంతేకాకుండా, కొబ్బరి నీళ్లు, పండ్ల రసాలు, గ్రీన్ టీ వంటివి కూడా చర్మాన్ని లోపలి నుంచి శుద్ధి చేసి, దాని సహజ కాంతిని పెంచుతాయి. నీరు శరీరంలోని టాక్సిన్స్‌ను తొలగిస్తుంది, ఇది మచ్చలేని చర్మానికి సహాయపడుతుంది.

మీరు తినే ఆహారమే మీ చర్మంపై ప్రతిబింబిస్తుందని అంటారు. విటమిన్లు, మినరల్స్, యాంటీఆక్సిడెంట్లు ఉన్న ఆహారం తీసుకోవడం వల్ల చర్మానికి పోషణ లభిస్తుంది. ముఖ్యంగా, విటమిన్-సి (నిమ్మకాయ, నారింజ), విటమిన్-ఇ (బాదం, ఆవకాడో), బీటా-కెరోటిన్ (క్యారెట్లు, గుమ్మడికాయ) ఉన్న ఆహార పదార్థాలు చర్మాన్ని కాంతివంతంగా, యవ్వనంగా ఉంచుతాయి. చిలగడదుంప, గ్రీన్ లీఫ్ వెజిటేబుల్స్ కూడా చర్మానికి చాలా మంచివి.

తేనె, నిమ్మరసం.. ఒక స్పూన్ తేనెలో కొన్ని చుక్కల నిమ్మరసం కలిపి ముఖానికి రాస్తే, అది ఒక సహజ క్లెన్సర్‌లా పనిచేస్తుంది. ఇది చర్మంపై ఉన్న మృత కణాలను తొలగించి, మెరుపును ఇస్తుంది.

పసుపు, శనగపిండి.. ఈ ప్యాక్ ఒక పాతకాలపు చిట్కా. పసుపులో ఉండే యాంటీ-బ్యాక్టీరియల్ గుణాలు మొటిమలను నివారిస్తాయి. శనగపిండి చర్మాన్ని శుభ్రం చేస్తుంది. పాలు లేదా పెరుగు కలిపి ఈ ప్యాక్‌ను వాడవచ్చు.

కలబంద (అలోవెరా) జెల్..అలోవెరా జెల్ చర్మాన్ని చల్లబరచడంలో అద్భుతంగా పనిచేస్తుంది. ముఖంపై మంట, ఎరుపుదనం, లేదా చిన్న చిన్న గాయాలు ఉన్నప్పుడు ఇది చాలా బాగా హెల్ప్ చేస్తుంది. దీనిని రోజూ రాత్రి పడుకునే ముందు అప్లై చేసుకోవచ్చు.ఒత్తిడి, నిద్రలేమి నేరుగా చర్మంపై ప్రభావం చూపుతాయి. ఒత్తిడి వల్ల హార్మోన్ల మార్పులు జరిగి మొటిమలు, డల్ స్కిన్ వస్తాయి. అందుకే రోజుకు కనీసం 7-8 గంటలు నిద్రపోవాలి. యోగా, ధ్యానం వంటివి చేయడం వల్ల ఒత్తిడి తగ్గి, మీ చర్మం(beautiful skin) కూడా ప్రశాంతంగా, ఆరోగ్యంగా ఉంటుంది.

OG movie:ఓజీ మూవీ ప్రీ-రిలీజ్ ఈవెంట్‌తో విజయవాడ ఉత్సవ్ ..ఈవెంట్ ప్లాన్ అదిరిందిగా