Periods:పీరియడ్స్ సమయంలో వచ్చే నొప్పి..ఈ చిట్కాలతో రిలీఫ్..!
Periods: పీరియడ్స్ సమయంలో మెగ్నీషియం ఎక్కువగా ఉండే అరటిపండ్లు, డార్క్ చాక్లెట్ లేదా బాదం పప్పులు తీసుకోవడం మంచిది.
Periods
మహిళల ఆరోగ్య విషయంలో పీరియడ్స్(Periods) అనేది చాలా సహజమైన ప్రక్రియ అయినా సరే, ఆ సమయంలో వచ్చే నడుము నొప్పి , కడుపు నొప్పి చాలా మందిని ఎక్కువ ఇబ్బంది పెడుతుంటాయి.ఈ నొప్పిని భరించలేక ఈ సమయంలో చాలా మంది వెంటనే పెయిన్ కిల్లర్స్ వాడేస్తుంటారు. అయితే వాటి వల్ల భవిష్యత్తులో సైడ్ ఎఫెక్ట్స్ వచ్చే అవకాశం ఉంటుందని డాక్టర్లు చెబుతున్నారు. అందుకే మన వంటింట్లో దొరికే సహజసిద్ధమైన వస్తువులతో ఈ నొప్పిని ఎలా తగ్గించుకోవచ్చో తెలుసుకోవడం ముఖ్యం.
ముందుగా వాము ( ఓమ) నీళ్లు పీరియడ్(Periods) పెయిన్ తగ్గించడానికి అద్భుతంగా పనిచేస్తుంది. ఒక గ్లాసు నీటిలో ఒక స్పూన్ వాము వేసి బాగా మరిగించి, ఆ నీటిని గోరువెచ్చగా తాగడం వల్ల గర్భాశయ కండరాలు రిలాక్సవుతాయి. దీనివల్ల నొప్పి నుంచి త్వరగా ఉపశమనం లభిస్తుంది.
అలాగే అల్లం టీ కూడా ఈ సమయంలో చాలా మంచిది. అల్లంలో ఉండే యాంటీ ఇన్ఫ్లమేటరీ గుణాలు శరీరంలో కలిగే వాపును, నొప్పిని తగ్గిస్తాయి. వేడి నీటి బ్యాగ్ తో నడుము మీద , పొత్తికడుపు మీద కాపడం పెట్టుకోవడం వల్ల రక్త ప్రసరణ పెరిగి కండరాలు పట్టేయడం తగ్గుతుంది.
అంతేకాదు ఆహారం విషయంలో కూడా కొన్ని జాగ్రత్తలు తీసుకోవాలి. పెయిన్ ఎక్కువ ఉందని చాలామంది ఆ సమయంలో తినడం మానేస్తారు. కానీ తినకపోతే ఇంకా పెయిన్ ఎక్కువవుతుంది. పీరియడ్స్ సమయంలో మెగ్నీషియం ఎక్కువగా ఉండే అరటిపండ్లు, డార్క్ చాక్లెట్ లేదా బాదం పప్పులు తీసుకోవడం వల్ల మనసు ప్రశాంతంగా ఉండంటంతో పాటు మూడ్ స్వింగ్స్ తగ్గుతాయి.
అలాగే కాఫీ , టీ వంటి కెఫీన్ ఉన్న పానీయాలకు దూరంగా ఉండటం మంచిది. ఎందుకంటే ఇవి కడుపులో గ్యాస్ ను పెంచి నొప్పిని ఎక్కువ చేస్తాయి. తగినంత విశ్రాంతి తీసుకోవడంతో పాటు తేలికపాటి యోగాసనాలు వేయడం వల్ల పీరియడ్స్ కష్టాలను ఈజీగా దాటొచ్చు.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి
