God: దేవుడిపై నమ్మకం తగ్గితే ఏమవుతుంది?

God

మానవ చరిత్రలో దేవుడి(God)పై నమ్మకం అనేది ఒక పెద్ద మానసిక రక్షణ కవచంలా పనిచేసింది. కానీ ఆధునిక కాలంలో సైన్స్ మరియు లాజిక్ పెరిగే కొద్దీ చాలామందిలో దేవుడిపై నమ్మకం తగ్గుతోంది. ఈ నమ్మకం కోల్పోవడం వల్ల మనసులో ఒక రకమైన శూన్యం ఏర్పడుతుంది.

దేవుడు (Godఉన్నాడు అని నమ్మినప్పుడు మనకు ఏదైనా కష్టం వస్తే “ఇది దేవుడి నిర్ణయం, ఆయన చూసుకుంటాడు” అనే ఒక ధైర్యం ఉండేది. ఆ నమ్మకం మనల్ని మానసిక ఒత్తిడి నుంచి కాపాడేది. కానీ ఆ నమ్మకం పోయినప్పుడు ప్రతి సమస్యకు మనమే బాధ్యులం అనే భావన పెరుగుతుంది.

ఆ భారం మొత్తం మన భుజాల మీద పడినట్టు అనిపిస్తుంది. దీనివల్ల చిన్న సమస్య కూడా మనకు కొండంతలా కనిపిస్తుంది. మనసు ఎప్పుడూ ఒక రకమైన అభద్రతా భావంతో నిండిపోతుంది. నాకంటూ ఎవరూ లేరు, నాకు సాయం చేసే అదృశ్య శక్తి ఏదీ లేదు అనుకోవడం వల్ల మనిషి ఒంటరితనాన్ని అనుభవిస్తాడు.

భక్తి అనేది కేవలం గుడికి వెళ్లడం మాత్రమే కాదు, అది మన మెదడును ప్రశాంతంగా ఉంచే ఒక ప్రక్రియ. ఉదయం లేవగానే చేసే ఒక చిన్న ప్రార్థన మన మనసును ఒక క్రమశిక్షణలో ఉంచుతుంది.

ఈ నమ్మకం తగ్గినప్పుడు మనసు ఎప్పుడూ పరుగు తీస్తూనే ఉంటుంది. “అన్నీ నా చేతుల్లోనే ఉన్నాయి, నేనే సాధించాలి” అనే అహంకారం ఒకవైపు ఉన్నా, లోపల మాత్రం ఎక్కడ ఓడిపోతామో అనే భయం వెంటాడుతూనే ఉంటుంది.

నమ్మకం ఉన్నప్పుడు భవిష్యత్తుపై ఒక ఆశ ఉంటుంది, అది లేనప్పుడు అనిశ్చితి వస్తుంది. ఈ ఖాళీని నింపుకోవడానికి మనిషి పనిని లేదా డబ్బును ఆశ్రయిస్తాడు, కానీ అవి తాత్కాలికమే.

ఆధ్యాత్మికత లేని జీవితంలో మనిషి తనను తాను ఎక్కువగా నిందించుకుంటాడు. ఏవైనా తప్పులు జరిగితే అది నా అసమర్థతే అని కుంగిపోతాడు. అందుకే దేవుడిపై నమ్మకం తగ్గినా, కనీసం మనకంటే మించిన ఒక శక్తి లేదా ప్రకృతిపై నమ్మకం ఉండటం మన మానసిక ఆరోగ్యానికి ఎంతో అవసరం. ఆ ఖాళీని మనం సరైన విధంగా నింపుకోకపోతే అది డిప్రెషన్ కు దారి తీస్తుంది.

God: దేవుడిని కోరికలు కోరడం తప్పా?