Ipl:1000 మంది ఔట్..350 మంది షార్ట్ లిస్ట్.. ఐపీఎల్ మినీ వేలం

IPL

ఐపీఎల్(IPL) మినీ వేలానికి సమయం దగ్గర పడుతోంది. డిసెంబర్ 16న అబుదాబీ వేదికగా ఆటగాళ్ల వేలం జరగబోతోంది. తాజాగా ఈ వేలానికి సంబంధించి తుది జాబితాను బీసీసీఐ విడుదల చేసింది. వేలంలో పాల్గొనేందుకు మొదట 1355 మంది ప్లేయర్స్ రిజిస్టర్ చేసుకోగా.. ఫ్రాంచైజీలతో సుధీర్ఘ చర్చల తర్వాత బీసీసీఐ తుది జాబితాను 350 మందికి పరిమితం చేసింది. దాదాపు 1000 మంది ఆటగాళ్లను షార్ట్ లిస్ట్ నుంచి తొలగించారు. అయితే కొన్ని ఊహించని పేర్లు కూడా చేరాయి. 35 మంది కొత్త పేర్లు జాబితాలో చేర్చారు.

ఆశ్చర్యకరంగా సౌతాఫ్రికా వికెట్ కీపర్ బ్యాటర్ క్వింటన్ డికాక్ వేలంలోకి ఎంట్రీ ఇచ్చాడు. గత ఐపీఎల్(IPL) సీజన్ లో మెరుగ్గా రాణించకపోవడంతో కోల్కత్తా నైట్ రైడర్స్ అతన్ని రిలీజ్ చేసింది. ఇటీవలే అంతర్జాతీయ క్రికెట్ కు రిటైర్మెంట్ ప్రకటించిన డికాక్ దానిని మళ్లీ వెనక్కి తీసుకున్నాడు. ఇటీవల భారత్ తో జరిగిన మూడో వన్డేలో సెంచరీ బాదాడు. ఫ్రాంచైజీల రిక్వెస్ట్ తో అతన్ని పార్ట్ లిస్ట్ లో చేర్చారు. ఈ సారి వేలంలో డికాక్ కోటి బేస్ ప్రైస్ తో నిలిచినట్టు తెలుస్తోంది. గత సీజన్ ఈ సఫారీ కీపర్ కనీస ధర రూ.2 కోట్లుగా ఉంది.

ఇగిలా ఉంటే ఐపీఎల్(IPL) మినీ వేలం ఆర్డర్ ను చూస్తే క్యాప్డ్ ప్లేయర్స్ రౌండ్ లో బ్యాటర్లు, ఆల్ రౌండర్లు, వికెట్ కీపర్లు, ఫాస్ట్ బౌలర్లు, స్పిన్నర్లు క్రమంలో జరుగుతుంది. తర్వాత అన్ క్యాప్డ్ కేటగిరీలోనూ ఇదే క్రమంలో ప్లేయర్స్ ఆక్షన్ ఉంటుంది. కాగా 350 మంది జాబితాలో 240 మంది భారత ఆటగాళ్లు, 110 మంది విదేశీ ప్లేయర్స్ చోటు దక్కించుకున్నారు.

అన్ క్యాప్డ్ విభాగంలో భారత్ నుంచి 224 మంది, విదేశాల నుంచి 14 మంది ఉన్నారు. ఈ మెగా ఆక్షన్ లో మొత్తం 77 స్లాట్స్ అందుబాటులో ఉంటాయి. వాటిలో 31 మంది విదేశీ ప్లేయర్స్ కు అవకాశముంది. పార్ట్ లిస్ట్ లో రూ.2 కోట్ల బేస్ ప్రైస్ తో 40 మంది, రూ.1.5 కోట్ల బేస్ ప్రైస్ తో 9 మంది, రూ.1.26 బేస్ ప్రైస్ తో నలుగురు, కోటి రూపాయల బేస్ ప్రైస్ తో 17 మంది, రూ.76 లకల బేస్ ప్రైస్ తో నలుగురు. రూ.40 లక్షల బేస్ ప్రైస్ తో ఏడుగురు, రూ.30 లక్షల బేస్ ప్రైస్ తో 227 మంది వేలంలో నిలిచారు. ఫ్రాంచైజీల దగ్గర ప్రస్తుతం రూ.237 కోట్ల మనీ పర్స్ ఉంది.

మరిన్ని స్పోర్ట్స్ న్యూస్ కోసం ఇక్కడ క్లిక్ చేయండి