IND vs NZ : వెల్లింగ్టన్‌లో భారత్ డెడ్లీ షో..వైభవ్,అభిషేక్ శర్మల విధ్వంసంతో ప్రపంచ రికార్డ్

IND vs NZ

వెల్లింగ్టన్ మైదానంలో క్రికెట్ లవర్స్‌కు రోమాలు నిక్కబొడుచుకునే విజువల్స్ ప్రత్యక్షమయ్యాయి. పరుగుల సునామీ అంటే ఏంటో, బౌలర్ల గుండెల్లో రైళ్లు పరిగెత్తించడమంటే ఎలా ఉంటుందో మనోళ్లు మరోసారి ప్రపంచానికి చూపించారు. కివీస్ గడ్డపై భారత యువ ధాటికి ఏ బౌలింగ్ అటాక్ నిలవలేక చతికిలపడింది. ఐదు మ్యాచ్‌ల సిరీస్‌ను మరో 2 మ్యాచ్‌లు మిగిలి ఉండగానే టేకోవర్ చేసుకున్న టీమిండియా, ప్రత్యర్థి జట్లకు మరోసారి స్పష్టమైన వార్నింగ్ ఇచ్చింది. అటు బ్యాట్‌తో విరుచుకుపడటంలోనూ రెండడుగులు ముందే ఉన్న మన ఓపెనర్లు.. స్టార్టింగ్ నుంచే ప్రత్యర్థి బౌలర్ల లెక్కను సరిచేశారు.

మ్యాచ్ మొదలైనపుడు సీన్ చూస్తే న్యూజిలాండ్ భారీ స్కోర్ చేసేలాగే కనిపించింది. ఆ జట్టు బ్యాటర్లలో డారిల్ మిచెల్ మైదానం నలువైపులా షాట్లు బాదుతూ 52 బాల్స్‌లోనే 89 పరుగులు రాబట్టగా, అతనికి తోడుగా ఫిన్ అలెన్ 40 రన్స్‌తో చెలరేగిపోయాడు. చివరిలో బెవాన్ జాకబ్స్ మెరుపులు మెరిపించడంతో కివీస్ నిర్ణీత 20 ఓవర్లలో కేవలం 3 వికెట్లను మాత్రమే కోల్పోయి 198 రన్స్ భారీ టార్గెట్‌నే బోర్డుపై ఉంచింది.

భారత బౌలింగ్ యూనిట్‌లో అర్ష్‌దీప్ సింగ్, అక్షర్ పటేల్, నితీశ్ కుమార్ రెడ్డి తలొక వికెట్ తీసి కంట్రోల్ చేయడానికి ట్రై చేసినా, కివీస్ బ్యాటర్లు స్కోరును మాత్రం గట్టిగానే పరుగులు పెట్టించారు. కానీ, ఆ తర్వాత భారత్ ఇన్నింగ్స్ స్టార్ట్ అయ్యాక అసలు సిసలు గేమ్ ఏంటో అన్నది అవతలి జట్టుకు అర్థమయింది. .

భారీ టార్గెట్‌ను బ్రేక్ చేయడానికి బరిలోకి దిగిన టీమిండియా ఓపెనర్లు మైదానాన్నిమినీ రణరంగంగా మార్చేశారు. అద్భుత ప్రతిభతో అందరినీ ఆశ్చర్యపరుస్తున్న వైభవ్ సూర్యవంశీ ఈసారి కూడా కేవలం 19 బాల్స్‌ల్లోనే 4 ఫోర్లు, 4 సిక్సర్లతో 45 పరుగులు బాది సెన్సేషన్ క్రియేట్ చేశాడు.

అతనికి ఏ మాత్రం తీసిపోని రీతిలో చెలరేగిన అభిషేక్ శర్మ కేవలం 38 బాల్స్‌ల్లోనే 9 ఫోర్లు, ఏకంగా 11 సిక్సర్ల మోతను మోగించి 113 రన్స్ మాంస్టర్ శతకాన్ని సాధించాడు. ఈ ఇద్దరూ కలిసి పవర్‌ప్లే 6 ఓవర్లలోనే ఏకంగా 118 పరుగులు బాది వరల్డ్ రికార్డు సృష్టించారు. స్టేడియంలో ఎటు చూసినా బాల్స్ బౌండరీ లైన్ దాటడమే కనిపించడంతో క్రికెట్ లవర్స్ రెండు కళ్లూ చాలడం లేదన్నంతగా ఫీలయ్యారు.

కేవలం 7.1 ఓవర్లలోనే తొలి వికెట్‌కు ఏకంగా 133 రన్స్ జోడించారంటే మనోళ్లు ఎలాంటి విధ్వంసకర మూడ్‌లో ఉన్నారో అర్థం చేసుకోవచ్చు. తర్వాత వైభవ్ ఔట్ అయినా సరే అభిషేక్ తన జోరును ఏమాత్రం తగ్గించకుండా కేవలం 35 బంతుల్లోనే సెంచరీని పూర్తి చేసుకున్నాడు.

10 ఓవర్లు ముగిసేసరికి భారత్ స్కోర్ ఏకంగా 2 వికెట్ల నష్టానికి 178 పరుగులకు చేరిందంటే ఓవర్‌కు 17.8 రన్‌రేట్‌తో బండి ఎంత స్పీడ్‌గా పరిగెత్తిందో స్పెషల్‌గా చెప్పనక్కర్లేదు. ఆ తర్వాత శ్రేయాస్ అయ్యర్, సంజూ శాంసన్ తక్కువ స్కోర్లకే వెనుదిరిగినా కూడా.. క్రీజులోకి వచ్చిన నమన్ ధీర్, తిలక్ వర్మ మిగిలిన పనిని చాలా ఈజీగా పూర్తి చేశారు.

కివీస్ బౌలర్లలో కైల్ జేమీసన్ 2 వికెట్లు తీయగా, మాథ్యూ ఫిషర్, మిచెల్ సాంట్నర్ చెరో వికెట్‌ను పడగొట్టారు. టోటల్‌గా ఈజీగా టార్గెట్‌ను ఫినిష్ చేసి..అంతే ఈజీగా సిరీస్‌ను కైవసం చేసుకోవడంతో ఫ్యాన్స్ ఆనందానికి అవధుల్లేకుండా పోయింది.

1️⃣9️⃣9️⃣ chased down in 13.2 overs 💥

📸 #TeamIndia take a 3️⃣-0️⃣ lead and seal the series with a run-chase for the ages 👏 🙌

Updates ▶️ https://t.co/zf4CnZQ8CD

#NZvIND https://t.co/pP6zHBmuns

— BCCI (@BCCI) October 27, 2026

Unstoppable With NBK Season 5 : ఆహా ప్లాన్ అదిరింది.. అన్‌స్టాపబుల్ విత్ ఎన్‌బీకేలో మెగాస్టార్?