Gold: ఈరోజు బంగారం ధర తగ్గింది.. కానీ రికార్డు దిశగా వెండి దూకుడు

Gold: మంగళవారం ఉదయం నమోదైన వివరాల ప్రకారం, దేశీయ మార్కెట్‌లో 10 గ్రాముల 24 క్యారట్ల బంగారం(Gold )పై ఏకంగా రూ.330 తగ్గింది.

JustTeluguLast Updated: December 9, 2025

Gold

బంగారం కొనుగోలు చేయాలనుకునే వారికి ఈ రోజు (డిసెంబర్ 9, 2025) కొంత ఊరట లభించింది. వరుసగా పెరుగుతున్న ధరలకు బ్రేక్ పడి, గోల్డ్ రేటు తగ్గింది. అయితే, మార్కెట్ నిపుణులు మాత్రం కొనుగోలు విషయంలో అత్యంత ఆచితూచి, వ్యూహాత్మకంగా నిర్ణయం తీసుకోవాలని హెచ్చరిస్తున్నారు. క్రిస్‌మస్, న్యూ ఇయర్ సీజన్ వస్తుండటంతో బంగారం ధరలు మళ్లీ నింగి వైపు చూసే అవకాశం ఉందని నిపుణులు అంచనా వేస్తున్నారు.

మంగళవారం ఉదయం నమోదైన వివరాల ప్రకారం, దేశీయ మార్కెట్‌లో 10 గ్రాముల 24 క్యారట్ల బంగారం(Gold )పై ఏకంగా రూ.330 తగ్గింది. అదేవిధంగా, 22 క్యారట్ల బంగారంపై రూ.300 వరకు తగ్గింది. ఈ తగ్గుదల పసిడి కొనుగోలు చేయాలనుకునే వారికి స్వల్ప ఉపశమనం కలిగించింది.

అంతర్జాతీయ మార్కెట్‌లో కూడా గోల్డ్ రేటు తగ్గింది. ఔన్స్‌ (సుమారు 31.1 గ్రాములు) బంగారం ధర 4 డాలర్లు తగ్గి, ప్రస్తుతం 4,194 డాలర్ల వద్ద కొనసాగుతోంది. అంతర్జాతీయంగా ధరలు తగ్గడం దేశీయ మార్కెట్ ధరలపై కూడా సానుకూల ప్రభావం చూపింది.

ధరలు తగ్గినా, నిపుణులు మాత్రం దీన్ని తాత్కాలికంగానే భావిస్తున్నారు. పెరుగుతున్న ప్రపంచ భౌగోళిక రాజకీయ అనిశ్చితి, అంతర్జాతీయ ఫెడరల్ బ్యాంకుల నిర్ణయాలు, బాండ్ మార్కెట్‌లలో మార్పుల కారణంగా గోల్డ్ రేటు మళ్లీ భారీగా పెరిగే అవకాశం ఉందని వారు సూచిస్తున్నారు.

దీర్ఘకాలికంగా బంగారం(Gold ) కొనుగోలు చేయాలనుకునేవారు, చిన్న మొత్తాలలో కొనసాగించడం మంచిది. తక్షణ అవసరాలు (పెళ్లిళ్లు వంటివి) ఉన్నవారు, ఈ తగ్గుదలను అవకాశంగా భావించి కొనుగోలు చేయడం మంచిదని సూచిస్తున్నారు.

బంగారం(Gold ) రేటు తగ్గినా, వెండి ధర మాత్రం వరుసగా రెండోరోజు కూడా భారీగా పెరిగింది. కిలో వెండి ధర ఏకంగా రూ.1,000 పెరిగింది. ఈ పెరుగుదలతో సిల్వర్ కిలో రేటు రూ. 2 లక్షలకు చేరువైంది. ఇది వెండి మార్కెట్‌లో ఒక సరికొత్త రికార్డు దిశగా పయనం అవుతున్నట్లు సూచిస్తోంది. ఈ భారీ పెరుగుదలకు పారిశ్రామిక డిమాండ్ (ముఖ్యంగా సోలార్, ఎలక్ట్రానిక్స్ రంగాల నుంచి) పెరగడం ప్రధాన కారణమని నిపుణులు అంచనా వేస్తున్నారు.