Business:టాప్ బిజినెస్ ఐడియా.. తక్కువ పెట్టుబడితో ఎలా మొదలెట్టాలంటే?

Business

ప్రపంచవ్యాప్తంగా ప్లాస్టిక్ కాలుష్యం ఒక పెద్ద సమస్యగా మారిందన్న విషయం తెలిసిందే. ప్రభుత్వాలు ప్లాస్టిక్ వాడకంపై పెద్ద ఎత్తున కఠినమైన నిబంధనలను విధిస్తున్నాయి.

దీనికి చెక్ పెట్టేలా ఇప్పుడు ఎకో-ఫ్రెండ్లీ ప్యాకేజింగ్ (పర్యావరణ హిత ప్యాకేజింగ్) రంగం ఒక అద్భుతమైన వ్యాపార (Business) అవకాశంగా అవతరిస్తోంది. 2026 నాటికి ఈ బిజినెస్ కొన్ని వేల కోట్ల మార్కెట్ ను ఇది సొంతం చేసుకోబోతోందని ఆర్థిక నిపుణులు అంచనా వేస్తున్నారు.

ఎకో-ఫ్రెండ్లీ ప్యాకేజింగ్ అంటే ఏంటంటే..సాధారణంగా మనం వాడుతున్న ప్లాస్టిక్ కవర్లు, బాక్సులు భూమిలో పూర్తిగా కలవడానికి కొన్ని వందల ఏళ్లు పడుతుందట. కానీ మొక్కల నుంచి తీసిన పిండి పదార్థాలు (Corn Starch), పేపర్, లేదా బయో-డిగ్రేడబుల్ మెటీరియల్స్ తో చేసే ప్యాకేజింగ్ వస్తువులు కేవలం కొద్ది నెలల్లోనే భూమిలో కలిసిపోతాయి. వీటినే ఎకో-ఫ్రెండ్లీ ప్యాకేజింగ్ అంటారు.

ఈ బిజినెస్‌లో చాలా అవకాశాలు ఉంటాయని ఆర్థిక నిపుణులు చెబుతున్నారు. అవి ఏంటంటే..

బయో-డిగ్రేడబుల్ కవర్లు- కూరగాయల షాపుల నుంచి బట్టల షోరూమ్స్ వరకు అందరికీ ఇవి అవసరం.
పేపర్ కప్పులు , స్ట్రాలు- ప్లాస్టిక్ స్ట్రాలపై నిషేధం వల్ల వీటికి భారీ డిమాండ్ ఉంది.
ఈ-కామర్స్ బాక్సులు- అమెజాన్, ఫ్లిప్‌కార్ట్ వంటి సంస్థలు ఇప్పుడు ప్లాస్టిక్ టేపులకు బదులు పేపర్ టేపులను, బాక్సులు వాడుతున్నాయి.

తక్కువ పెట్టుబడితో చిన్న మిషన్ల ద్వారా ఇంటి నుంచే ఈ బిజినెస్ ప్రారంభించొచ్చు. దీనికి పర్యావరణ హిత వ్యాపారం కాబట్టి బ్యాంకుల నుంచి లోన్లు, సబ్సిడీలు కూడా ఈజీగా లభిస్తాయి. భవిష్యత్తులో ప్లాస్టిక్ వాడకం పూర్తిగా తగ్గిపోతుంది కనుక, ఇప్పుడే ఈ రంగంలోకి అడుగుపెడితే మంచి లాభాలు పొందొచ్చని నిపుణులు విశ్లేషిస్తున్నారు.

T20 : దంచికొట్టిన ఇషాన్, సూర్యాభాయ్..రెండో టీ20లోనూ భారత్ ఘనవిజయం