Putin India Visit: ట్రంప్ సుంకాలు, పుతిన్ పర్యటన..భారత్కు కొత్త పరీక్ష
Putin India Visit: ప్రపంచ రాజకీయ రంగంలో రెండు రోజులుగా వస్తున్న వార్తలు భారత్ వైపు ప్రపంచం మరోసారి చూసేలా చేసింది.
Putin India Visit
ప్రపంచ రాజకీయ రంగంలో రెండు రోజులుగా వస్తున్న వార్తలు భారత్ వైపు ప్రపంచం మరోసారి చూసేలా చేసింది. అమెరికా అధ్యక్షుడు ట్రంప్ భారతినుద్దేశించి విధించిన కొత్త ట్రేడ్ సుంకాలపై పెద్ద ఎత్తున చర్చ సాగుతుండగానే.. రష్యా అధ్యక్షుడు పుతిన్ భారత పర్యటనలో పాల్గొనబోతున్నారన్న వార్త కొత్త సందడిని మిగిల్చింది. ఈ రెండు సంఘటనలు కలిసొస్తే, ప్రపంచ రాజకీయ మార్కెట్ లో మధ్యవర్తిగా ఉన్న భారత్ పరిస్థితి ఏమిటి? ఇకపై మిత్ర బంధం ఎలా మలుపులు తిరగబోతుందన్న చర్చ నడుస్తోంది.
అమెరికా అధ్యక్షుడు ట్రంప్ ప్రకటించిన 50% వాణిజ్య సుంకాలు భారత ఎగుమతిదారులకు గట్టి దెబ్బే అయినా, భారత్ తాను నచ్చిన విధంగా, జాతీయ ప్రయోజనాలను క్షీణించకుండా ముందుకు సాగుతోంది. ఈ సమయంలో రష్యా అధ్యక్షుడు పుతిన్ భారతదేశ పర్యటనను ప్రకటించడంతో, మిత్రత్వానికి కొత్త అర్థాలు తడబడుతూ కనిపించాయి.
ఒకవైపు అమెరికా నుంచి ఒత్తిడి ఉంటే, రష్యా మద్దతు మరింత బలపడడం భారత్కు అంతర్జాతీయ వేదికపై కొత్త వ్యూహాలను తెరమీదకు తెస్తుంది. అమెరికా తీసుకున్న గట్టి నిర్ణయంవల్ల, పుతిన్ భారత పర్యటన దౌత్యరంగంలో ఒక కొత్త టర్నింగ్ పాయింట్ అయింది. ఇది భారత్ “బాలెన్సింగ్ యాక్ట్”ను మరింత గాఢంగా బయటపెట్టింది.
ట్రంప్ కొత్త వాణిజ్య సుంకాలు, పుతిన్ భారత పర్యటన (Putin India Visit )ఈ రెండు కీలక సంఘటనలు .. మూడు దేశాల (భారత్, అమెరికా, రష్యా) మధ్య మిత్రబంధాలకు కొత్త మలుపు తెస్తున్నట్టు అర్థమవుతోంది. భారత ఆర్థిక శక్తికి ముప్పుగా మారే ఈ 50% సుంకాలు, భారత ఎగుమతిదారులపై భారీగా ప్రభావం చూపించే అవకాశం ఉంది. దీంతో భారత్-అమెరికా వాణిజ్య సంబంధాలు కడుపు మంటకు దిగాయి.
అయితే, భారత్ ఈ ఒత్తిడిని తిరస్కరించి, రష్యా నుంచి ఆయిల్ దిగుమతి కొనసాగిస్తుందని చెప్పడం, తమ స్వతంత్ర విదేశాంగ విధానాన్ని నిలబెట్టుకుంటున్నదనే సంకేతంగా భావించవచ్చు. పుతిన్ పర్యటన ఈ పరిస్థితుల్లో మరింత బలవంతమైన వ్యూహాత్మక భాగస్వామ్యానికి దారి తీస్తుంది. ట్రంప్ ఈ మధ్యంతర దాడులకు ప్రతిచర్యగా భావించే పుతిన్‌తో భారత మైత్రి, ప్రపంచ మైదానంలో ఒక బడా స్ట్రాటజీ రూపంలో నిలబడుతుంది.
అయితే ఈ పరిణామాలు భారతకు లాభ-నష్టం రెండూ కలగలిపినట్లు కనిపిస్తాయి. ఒకవైపు అమెరికా మార్కెట్ నుండి 50% సుంకాల తలుపు భాారమవుతుంటే, రష్యాతో మరింత బలపడుతున్న స్నేహం భారత వ్యూహాత్మక భాగస్వామ్యానికి కొత్త మైలురాయిగా ఉంటుంది. ప్రపంచ రాజకీయ సమీకరణలో “మల్టీ-వెక్టర్” విదేశాంగ విధానాన్ని భారత ప్రభుత్వం మరింత ప్రాధాన్యం ఇస్తోంది.
ఇప్పటికీ ట్రంప్ తన నిర్ణయంపై దృఢంగా ఉండటంతో.. భారత్ – అమెరికా వాణిజ్య సంబంధాలపై తాము స్వతంత్ర విదేశాంగ విధానాన్ని కొనసాగించనున్నట్టు మోదీ స్పష్టంగా చెప్పినట్లు అవుతోంది. ఒకవైపు కచ్చితమైన వ్యూహాన్ని పాటిస్తూ, మరొకవైపు పాత మిత్రుడిని మెప్పించడమన్నదీ భారత్ ధోరణి.
ఇండియా అమెరికా ఒత్తిడిని అధిగమించి, రష్యా వంటి మిత్రుడితో కలసి వేయనున్న అడుగులు ఎటు దారి తీస్తాయన్నది ప్రపంచం ఆసక్తిగా గమనిస్తోంది.
Also Read: Dhoni: ధోనీ రిటైర్మెంట్ అపుడే అట..
