Photo:ఒక్క ఫోటో- ఒక చరిత్ర.. ప్రపంచం మర్చిపోని ఫోటోలు

Photo

కదిలిపోయే కాలాన్ని పట్టి ఉంచే క్షణాలే ఫోటోలు. మనమే స్తితిలో ఉన్నా మనల్ని ఆ ఫోటో చూడగానే ఒక్క క్షణం అయినా ఆనాటి జ్ఞాపకాల దొంతరలో ముంచేస్తుంది ఆ..ఒక్క ఫోటో(Photo). అయితే ఎన్నో ఫోటోలు ఉన్నా మనసును కదిలించేవి హృదయాన్ని తాకేవి , సూటిగా సమాజాన్ని ప్రశ్నించేవి , కొన్ని మాత్రమే ఉంటాయి. అలా ప్రపంచాన్ని కదిలించిన నాలుగు చిత్రాలు సోషల్ మీడియాలో వైరల్ అవుతున్నాయి.

1. ఇవో జిమాలో జెండా ఎగురవేస్తున్న దృశ్యం..1945లో రెండవ ప్రపంచ యుద్ధం ముగింపు దశలో, మౌంట్ సురిబాచిపై అమెరికన్ సైనికులు జెండా ఎగురవేస్తూ గెలుపును ప్రకటించిన అద్భుత క్షణాన్ని జో రోసెంథాల్ తన కెమెరాలో బంధించారు. ఆరు సైనికుల వీరోచిత స్వభావానికి ప్రతీకగా నిలిచిన ఈ చిత్రం పులిట్జర్ అవార్డును అందుకొంది. ఇది యుద్ధ ధైర్యాన్ని, ఐక్యతను గుర్తుచేసింది. యుద్ధానంతర పరిస్థితుల్లో ప్రజల్లో ఆశను నింపింది.

2. ది కిస్..అమెరికాలో యుద్ధం ముగిసిన ఆనందంతో న్యూయార్క్ వీధుల్లో ఒక నావికుడు పరిచయం లేని నర్సును ఆకస్మికంగా ముద్దుపెట్టుకున్న క్షణాన్ని ఆల్ఫ్రెడ్ ఐజెన్‌స్టాడ్ తన కెమెరాలో బంధించారు. “ది కిస్” అని ప్రసిద్ధి చెందిన ఈ చిత్రం ప్రజల్లో ఆనందాన్ని, హృదయ స్థిరత్వాన్ని చాటింది. ప్రజాస్వామ్యం, శాంతి సంస్కృతిని సూచిస్తూ సమాజాన్ని ఏకతాటిపై నిలిపే గొప్ప అంకితభావానికి ప్రతీకగా నిలిచింది.

3. కరువులో చిన్నారి, గద్ద..1993లో ఆఫ్రికా కరువులో ఆకలితో బాధపడుతున్న ఒక చిన్నారి పక్కన ఒక గద్ద వేచి ఉన్న భయంకరమైన దృశ్యాన్ని కెవిన్ కార్టర్ చూపించాడు. ఈ చిత్రం మానవత్వపు నిస్సహాయతను చూపిస్తూ, ఆగని ఆకలి, దుస్థితి గురించి మనల్ని ఒక నైతిక ప్రశ్న వేసింది. ఈ ఫోటో పులిట్జర్ అవార్డును అందుకొని, జర్నలిజం నైతికత, మానవత్వంపై ప్రపంచవ్యాప్తంగా తీవ్ర చర్చలకు దారితీసింది.

4. అఫ్గాన్ గర్ల్.. 1984లో స్టీవ్ మెక్యూరీ తీసిన “అఫ్గాన్ గర్ల్” చిత్రం ప్రపంచవ్యాప్తంగా యుద్ధం కారణంగా మానవత్వం ఎంతగా క్షతమైందో చూపించింది. షర్బత్ గులా అనే అఫ్గాన్ శరణార్థి బాలిక చూపులో కనిపించిన బాధ, ఆవేదన ప్రపంచానికి యుద్ధం యొక్క భయంకరమైన వాస్తవాన్ని తెలియజేసింది. ఈ ఫోటో నేషనల్ జియోగ్రాఫిక్ పత్రిక కవర్‌పై ప్రత్యేక స్థానం పొందింది.

ఈ నాలుగు చిత్రాలు (Photos) కేవలం ఒక క్షణం ఫోటోలు కాదు, అవి మన హృదయాలను తాకే జీవన గాథలు. అవి కళకు, వాస్తవానికి మధ్య ఉన్న సరిహద్దులను చెరిపివేసి, మానవత్వం యొక్క కష్టాలు, ఆశలు, విజయాలను సజీవంగా మన ముందుకు తెస్తాయి. ఈ ఫోటోలు మన మనసులలో ఎప్పటికీ నిలిచిపోతాయి, ఎందుకంటే అవి మానవత్వం యొక్క కథను, ఆశను, బాధను, దానిని చూసినపుడు కదిలించే మనలోని నిజాయితీని గుర్తు చేస్తాయి.అందుకే ఈ చిత్రాలు ఫోటోగ్రాఫర్ల కళను మాత్రమే కాకుండా, మానవతా విలువలకు స్ఫూర్తినిచ్చే సాక్ష్యాలుగా కూడా నిలుస్తున్నాయి..

Samantha: క్యూట్ లవ్ స్టోరీతో డైరెక్షన్‌లోకి ఎంట్రీ ఇస్తున్న సామ్