Vande Bharat: వందే భారత్ రైలులో ఇకపై పడుకొనే ప్రయాణించొచ్చు.. ఈనెలలోనే ప్రారంభం

Vande Bharat

భారత రైల్వేలో ఒక కొత్త అధ్యాయం మొదలైంది. ఇప్పటి వరకు కూర్చుని మాత్రమే చేసే ప్రయాణానికే పరిమితమైన వందే భారత్ రైళ్లు, ఇకపై ప్రత్యేకంగా రూపొందించిన స్లీపర్ కోచ్‌లతో ప్రయాణికులకు అందుబాటులోకి రానున్నాయి. ఈ కొత్త రైలులో ప్రయాణం అనేది కేవలం ఒక ప్రయాణం మాత్రమే కాదు, ఒక విలాసవంతమైన అనుభూతినిస్తుంది. ఈ రైలు పట్టాలెక్కడానికి అధికారులు అన్ని సన్నాహాలను పూర్తి చేశారు.

భారత రైల్వే అధికారులు వందే భారత్ స్లీపర్ ప్రాజెక్ట్‌ను పూర్తి చేశారు. అన్ని భద్రతా పరీక్షలు పూర్తయ్యాయి. ప్రయోగాత్మక పరుగులను విజయవంతంగా నిర్వహించారు. ఈ రైలు సెప్టెంబర్ 2025 నుంచి పట్టాలెక్కనుంది. మొదటి రైలు ఢిల్లీ-పాట్నా మార్గంలో నడవనుంది.

వందే భారత్ స్లీపర్ రైలు మొత్తం 16 కోచ్‌లతో తయారు చేయబడింది. ఇందులో ఏసీ 3-టైర్, ఏసీ 2-టైర్ , ఏసీ ఫస్ట్ క్లాస్ కోచ్‌లు ఉంటాయి. ఈ రైలులో ప్రయాణికులకు అన్ని అత్యాధునిక సౌకర్యాలను కల్పించారు. ప్యాడింగ్ ఉన్న సౌకర్యవంతమైన బెర్త్‌లు, పై బెర్త్‌ ఎక్కడానికి సులభమైన లాడర్స్, ప్రశాంతమైన నైట్ లైటింగ్ సిస్టమ్ ఇందులో ఉన్నాయి. ప్రతి బెర్త్‌కు యూఎస్బీ ఛార్జింగ్ పోర్ట్ , చదువుకోవడానికి ప్రత్యేక లైట్ ఉంటుంది. అత్యంత అధునాతనమైన టచ్-ఫ్రీ బయో-వాక్యూమ్ టాయిలెట్లు కూడా ఉన్నాయి.

ప్రయాణికుల భద్రతకు అత్యధిక ప్రాధాన్యత ఇచ్చారు. ఈ రైలులో దేశీయంగా అభివృద్ధి చేసిన కవచ్ వ్యవస్థ ఉంది. అగ్నిప్రమాదాలను నివారించడానికి ఫైర్-ప్రూఫ్ మెటీరియల్స్ ఉపయోగించారు. ప్రతి కోచ్‌లో సీసీటీవీ కెమెరాలు, అత్యవసర సమయంలో సిబ్బందితో మాట్లాడటానికి టాక్-బ్యాక్ కమ్యూనికేషన్ బటన్ కూడా ఏర్పాటు చేశారు.

ఈ రైలు రాజధాని ఎక్స్‌ప్రెస్ కంటే చాలా వేగంగా ప్రయాణిస్తుంది. దీనిలోని జర్క్-ఫ్రీ డిజైన్ వల్ల ప్రయాణం చాలా సుఖవంతంగా ఉంటుంది. ఇది భారత రైల్వే ప్రయాణ అనుభవాన్ని పూర్తిగా మార్చివేస్తుంది.

Guar Gum : గోరుచిక్కుడు గమ్..అమెరికాకు ఎందుకంత అవసరం?