Bigg Boss: బిగ్ బాస్ 9 హౌస్ నుంచి ఈ వారం బయటకు వచ్చేదెవరు?

Bigg Boss

బిగ్ బాస్ (Bigg Boss) సీజన్ 9 ఇప్పుడు కీలకంగా పదో వారంలోకి అడుగుపెట్టింది. ఈ సీజన్‌లో కంటెస్టెంట్స్ (Contestants) ఎప్పుడు, ఎలా హౌస్ నుంచి బయటకు వస్తున్నారో అర్థం కావడం లేదు. కొంతమంది కంటెస్టెంట్స్ హౌస్‌లో ఉండలేమని చెప్పి సెల్ఫ్ ఎలిమినేట్ అవుతుంటే (Self-Eliminate), మరికొంతమంది అనారోగ్య కారణాల వల్ల బయటకు వెళ్లిపోతున్నారు.

ఇక, ప్రతి వారం జరిగే రెగ్యులర్ ఎలిమినేషన్ (Elimination) ప్రక్రియ సంగతి తెలిసిందే. ఇప్పటికే తొమ్మిది వారాలు పూర్తి చేసుకున్న ఈ సీజన్‌లో, ఇప్పుడు పదో వారం హౌస్ నుంచి ఎవరు బయటకు వస్తారా అన్నది ప్రేక్షకుల్లో తీవ్ర ఆసక్తిని పెంచుతోంది.

ఈ సీజన్‌లో ఎలిమినేషన్ విధానం కాస్త అనూహ్యంగా ఉంది. ముఖ్యంగా వైల్డ్ కార్డు (Wild Card) ద్వారా ఎంట్రీ ఇచ్చిన కంటెస్టెంట్స్ పరిస్థితి ఆందోళనకరంగా ఉంది. వైల్డ్ కార్డు ద్వారా వచ్చిన వారు ఒక్కొక్కరుగా ఎలిమినేట్ అవుతూ బయటకు వచ్చేస్తున్నారు.

రాము రాథోడ్ (Ramudu Rathode) సెల్ఫ్ ఎలిమినేషన్.. గతవారం హౌస్ నుంచి రాము రాథోడ్ అనూహ్యంగా సెల్ఫ్ ఎలిమినేట్ అయ్యాడు. “నేను హౌస్‌లో ఉండలేకపోతున్నా, మా పేరెంట్స్ గుర్తొస్తున్నారు” అంటూ ఎమోషనల్‌గా హౌస్ నుంచి బయటకు వచ్చేశాడు. ఈ విధంగా సొంత నిర్ణయంతో హౌస్ నుంచి బయటకు రావడం ప్రేక్షకులను ఆశ్చర్యపరిచింది.

సాయి శ్రీనివాస్ (Sai Srinivas) ఎలిమినేషన్.. వైల్డ్ కార్డు ద్వారా ఎంట్రీ ఇచ్చిన మరో కంటెస్టెంట్ సాయి శ్రీనివాస్ కూడా ఎలిమినేట్ అయ్యి బయటకు వచ్చేశాడు. హౌస్‌లో సాయి పెద్దగా యాక్టివ్ (Active) గా లేకపోవడం, టాస్కుల్లోనూ (Tasks) పెద్దగా పెర్ఫార్మ్ (Perform) చేయకపోవడం అతని ఎలిమినేషన్‌కు కారణమైంది. నామినేషన్లలో సాయికి పెద్దగా ఓట్లు పడకపోవడంతో అతను హౌస్ నుంచి నిష్క్రమించాడు.

ప్రస్తుతం హౌస్‌(Bigg Boss)లో ఉన్న కంటెస్టెంట్స్‌కు పదో వారం ఎలిమినేషన్ ఒక పెద్ద ఛాలెంజ్ (Challenge) గా మారింది. ఈ వారం ఏకంగా పది మంది నామినేట్ అయ్యారు. కేవలం ఇమ్మాన్యుయేల్ ఒక్కరు మాత్రమే ఎలిమినేషన్ గండం నుంచి తప్పించుకున్నారు.

నిఖిల్ ఔట్ అయ్యే ఛాన్స్.. నామినేషన్స్‌లో ఉన్న ఈ పది మందిలో, ప్రస్తుత ట్రెండ్ (Trend) ప్రకారం నిఖిల్ కు తక్కువ ఓట్లు పడుతున్నాయి. నిఖిల్ కూడా వైల్డ్ కార్డు ద్వారానే హౌస్‌లోకి వచ్చాడు. కానీ హౌస్‌లో అతను కూడా పెద్దగా కనిపించడం లేదు. టాస్కుల్లోనూ పెద్దగా యాక్టివ్‌గా లేకపోవడంతో, అతని ఆట ప్రేక్షకులకు రీచ్ (Reach) అవ్వలేదు. దాంతో ఓట్లు కూడా పెద్దగా పడటం లేదు. అందువల్ల, ఈ వారం హౌస్ నుంచి నిఖిల్ బయటకు వచ్చేసేలా కనిపిస్తున్నాడు.

మొత్తం మీద, బిగ్ బాస్ (Bigg Boss)సీజన్ 9 క్లైమాక్స్‌కు (Climax) చేరుకుంటున్న ఈ సమయంలో, సెల్ఫ్ ఎలిమినేషన్స్, వైల్డ్ కార్డుల నిష్క్రమణలు షోకు మరింత ఉత్కంఠను పెంచుతున్నాయి. పదిమంది నామినేషన్ల నుంచి చివరకు నిఖిల్ బయటకు వస్తాడా, లేక ఈవారం బిగ్ బాస్ ఇంకేదైనా ట్విస్ట్ (Twist) ఇవ్వడానికి ప్రిపేర్ అయ్యాడా అనేది వీకెండ్‌లో తేలిపోతుంది.

మరిన్ని బిగ్ బాస్ వార్తల కోసం ఇక్కడ క్లిక్ చేయండి