Plant-based diet:ప్లాంట్ బేస్‌డ్ డైట్ ఎందుకు? ఆరోగ్యం, పర్యావరణంపై దాని ప్రభావం ఏంటి?

Plant-based diet

ప్రపంచవ్యాప్తంగా ఆహారపు అలవాట్లలో వస్తున్న అతిపెద్ద మార్పులలో ఒకటి ‘ప్లాంట్ ఆధారిత ఆహారం’ (Plant-Based Diet) వైపు మొగ్గు చూపడం. దీని అర్థం కేవలం శాకాహారిగా (Vegetarian) మారడం కాదు.

ఇది ప్రధానంగా మొక్కల నుంచచి లభించే ఆహారం – పండ్లు, కూరగాయలు, ధాన్యాలు, గింజలు, చిక్కుళ్లు వంటివాటిపై దృష్టి పెట్టడం. అలాగే మాంసం, పాల ఉత్పత్తులు వంటి జంతు ఆధారిత ఆహారాన్ని (Animal Products) తగ్గించడం లేదా పూర్తిగా వదిలివేయడం.

ఈ ధోరణి కేవలం ఆరోగ్య కారణాల కోసం మాత్రమే కాకుండా, పర్యావరణ పరిరక్షణ (Environmental Sustainability) కోసం కూడా వేగంగా పెరుగుతోంది.

ప్లాంట్ ఆధారిత ఆహారం తీసుకోవడం వలన గుండె జబ్బులు (Heart Diseases), టైప్ 2 మధుమేహం (Diabetes)తో పాటు కొన్ని రకాల క్యాన్సర్ల (Cancers) ప్రమాదం తగ్గుతుందని అనేక శాస్త్రీయ అధ్యయనాలు నిరూపించాయి.

ఈ ఆహారంలో పీచు పదార్థం (Fibre), యాంటీఆక్సిడెంట్లు (Antioxidants) , విటమిన్లు పుష్కలంగా ఉంటాయి, ఇవి జీర్ణవ్యవస్థను (Digestive System) మెరుగుపరుస్తాయి . బరువు నిర్వహణకు (Weight Management) సహాయపడతాయి. మాంసాన్ని తగ్గించడం వల్ల అనవసరమైన సంతృప్త కొవ్వులు (Saturated Fats), కొలెస్ట్రాల్ తీసుకోవడం కూడా తగ్గుతుంది.

ప్లాంట్ ఆధారిత (Plant-based diet)ఆహారం యొక్క ముఖ్యమైన ప్రభావం పర్యావరణంపై ఉంది. జంతువుల పెంపకం, ముఖ్యంగా పశుపోషణ (Cattle Rearing), ప్రపంచవ్యాప్తంగా గ్రీన్‌హౌస్ వాయువుల ఉద్గారాలకు (Greenhouse Gas Emissions) ప్రధాన కారణాలలో ఒకటి. మాంసం ఉత్పత్తికి విపరీతమైన నీరు, భూమి , శక్తి అవసరం.

మొక్కల ఆధారిత ఆహారాన్ని(Plant-based diet) ఎంచుకోవడం వల్ల, మనం మన కార్బన్ ఫుట్‌ప్రింట్‌ను (Carbon Footprint) గణనీయంగా తగ్గించుకోగలం. నీటి వనరులపై ఒత్తిడిని తగ్గిస్తాం , జీవవైవిధ్యాన్ని (Biodiversity) కాపాడటానికి సహాయపడతాం.దీనివల్ల ప్రపంచ ఆహార భద్రత (Global Food Security) , స్థిరమైన జీవనానికి ప్లాంట్ ఆధారిత ఆహారం ఒక కీలక పరిష్కారంగా మారుతోంది.

IND vs SA: సఫారీలను తిప్పేశారు..  విజయం దిశగా భారత్