Bigg Boss :కొద్ది గంటల్లోనే బిగ్ బాస్ సీజన్ 9.. కంటెస్టెంట్స్‌ వీళ్లే..

Bigg Boss

బిగ్గెస్ట్ రియాలిటీ షో ‘బిగ్​ బాస్​(Bigg Boss)’ అభిమానుల ఎదురుచూపులకు తెరపడింది. ఉత్కంఠగా ఎదురుచూస్తున్న తొమ్మిదో సీజన్ మరికొన్ని గంటల్లో గ్రాండ్‌గా ప్రారంభం కానుంది. ఈసారి కూడా కింగ్​ నాగార్జున హోస్ట్‌గా వ్యవహరిస్తుండటంతో అంచనాలు తారాస్థాయికి చేరాయి. ఎప్పటిలాగే, ఈ సీజన్లో బిగ్​ బాస్​ ఇంట్లోకి అడుగుపెట్టే కంటెస్టెంట్ల పేర్లపై సోషల్ మీడియాలో భారీ చర్చ జరుగుతోంది.

ఈ సీజన్ మునుపటి సీజన్లకు భిన్నంగా ఉండబోతోంది. బిగ్​ బాస్(Bigg Boss) నిర్వాహకులు ఈసారి ‘సెలబ్రిటీలు వర్సెస్ కామనర్స్‌’ అనే కొత్త ఫార్మాట్‌ను ప్రవేశపెట్టారు. సాధారణంగా సెలబ్రిటీలతోనే షో నడిచేది. కానీ ఇప్పుడు సామాన్యులకు కూడా అవకాశం కల్పించారు. ఇప్పటికే చాలా మంది కామనర్స్‌​ను ఎంపిక చేసి వారికి అగ్నిపరీక్షలు నిర్వహించారు.

బిగ్​ బాస్​ (Bigg Boss) సీజన్ 9లో మొత్తం 15 మంది పాల్గొంటున్నట్లు సమాచారం. వీరిలో 9 మంది సెలబ్రిటీలు కాగా, మిగిలిన ఆరుగురు కామన్​ మ్యాన్​ కోటాలో అడుగుపెట్టనున్నారని తెలుస్తోంది. బయటకు వచ్చిన కంటెస్టెంట్స్ జాబితాలో కొన్ని ఆసక్తికరమైన పేర్లు ఉన్నాయి.

సంజనా గల్రానీ: ‘బుజ్జిగాడు’ సినిమాలో నటించి తెలుగు ప్రేక్షకులకు సుపరిచితురాలైన ఈ నటి బిగ్​బాస్​ ఇంట్లోకి అడుగుపెట్టనున్నారు.
రీతూ చౌదరి: యాంకర్, నటిగా ప్రేక్షకులకు దగ్గరైన ఈమె, జబర్దస్త్ సహా పలు టీవీ షోలలో సందడి చేశారు.
తనూజ గౌడ: పలు తెలుగు సీరియల్స్‌లో నటించి తన నటనతో మంచి పేరు తెచ్చుకున్న నటి ఈమె.
ఆశా షైనీ: బాలకృష్ణతో ‘నరసింహ నాయుడు’, వెంకటేష్‌తో ‘నువ్వు నాకు నచ్చావ్’ వంటి సినిమాల్లో నటించిన సీనియర్ నటి.
శ్రష్ఠి వర్మ: గతంలో ఆమె తన గురువు జానీ మాస్టర్‌పై చేసిన లైంగిక వేధింపుల ఆరోపణలు పెద్ద వివాదం సృష్టించాయి. ‘పుష్ప 2’ సినిమాకు కూడా పనిచేసింది.
భవాణి శంకర్: సీరియల్ నటుడిగా తెలుగువారికి సుపరిచితుడైన ఇతను కూడా ఈ జాబితాలో ఉన్నారు.

సుమన్ శెట్టి: ‘జయం’, ‘7/G బృందావన్ కాలనీ’ వంటి సినిమాల్లో తన కామెడీతో నవ్వించిన ఈ కమెడియన్ బిగ్ బాస్‌లో ఎలా ఉంటాడో చూడాలి.
రాము రాథోడ్: ‘రాను ముంబైకి రాను’, ‘సొమ్మసిల్లి పోతున్నవే’ వంటి జానపద పాటలతో యూట్యూబ్‌లో సంచలనం సృష్టించిన ఈ ఫోక్ సింగర్ కూడా హౌస్‌లోకి అడుగుపెడుతున్నారని తెలుస్తోంది.
ఇమ్మానుయేల్: జబర్దస్త్ కామెడీ షోలో తనదైన టైమింగ్‌తో అందరినీ ఆకట్టుకున్న ఇతను, హౌస్‌లో కూడా అదే ఫన్ క్రియేట్ చేస్తాడని భావిస్తున్నారు.

ఈసారి కొత్త ఫార్మాట్ తో బిగ్​ బాస్ సీజన్ 9 ప్రేక్షకులకి కావాల్సినంత వినోదాన్ని అందిస్తుందని, టీఆర్పీ రేటింగ్‌లు కూడా భారీగా పెరుగుతాయని అంచనా వేస్తున్నారు. బిగ్​ బాస్‌లో కంటెస్టెంట్లు ఎలా ప్రవర్తిస్తారో, టాస్క్‌లలో ఎలా పోటీ పడతారో తెలుసుకోవడానికి అందరూ ఆతృతగా ఎదురు చూస్తున్నారు.

Ganesh: ఖైరతాబాద్‌ గణనాథుడికి వీడ్కోలు