Zuckerberg: బాంబు పేల్చిన జుకర్‌బర్గ్.. 2030 నాటికి స్మార్ట్ ఫోన్‌లు ఉండవా?

Zuckerberg

ప్రపంచ టెక్నాలజీ దిగ్గజం మెటా సీఈఓ మార్క్ జుకర్‌బర్గ్(Zuckerberg) చేసిన ఒక ప్రకటన ఇప్పుడు టెక్ ప్రపంచాన్ని కుదిపేస్తోంది. రాబోయే దశాబ్దంలో స్మార్ట్‌ఫోన్‌లు పూర్తిగా కనుమరుగైపోతాయని, వాటి స్థానంలో స్మార్ట్‌గ్లాసెస్‌ మన జీవితంలో ప్రధాన డిజిటల్ ఇంటర్‌ఫేస్‌గా మారనున్నాయని ఆయన అభిప్రాయపడ్డారు. ఇది కేవలం ఒక అంచనా కాదు, టెక్నాలజీ చరిత్రలో జరగబోయే ఒక తదుపరి విప్లవం అని ఆయన నమ్ముతున్నారు.

ఈ మార్పు గతంలో జరిగిన టెక్నాలజీ పరిణామాలను పోలి ఉంది. ఒకప్పుడు డెస్క్‌టాప్ కంప్యూటర్లు ప్రాచుర్యం పొందితే, ఆ తర్వాత వాటి స్థానాన్ని స్మార్ట్‌ఫోన్‌లు ఆక్రమించాయి. ఇప్పుడు అదే తరహాలో స్మార్ట్‌గ్లాసెస్ ప్రధాన విజయాన్ని సాధించనున్నాయని నిపుణులు భావిస్తున్నారు. ఈ గ్లాసెస్‌లో ఉండే కంటిన్యూస్ కంప్యూటింగ్ ఫీచర్ వల్ల అనవసరమైన నోటిఫికేషన్లు, అంతరాయాలు తగ్గుతాయని జుకర్‌బర్గ్ పేర్కొన్నారు. ఇది స్మార్ట్‌ఫోన్‌లు సృష్టించిన నిరంతర డిస్టర్బెన్స్‌ల నుంచి మనకు విముక్తి కలిగిస్తుంది.

2012లో వచ్చిన స్మార్ట్‌వాచ్‌లు టెక్నాలజీలో పెను మార్పులు తెస్తాయని అంతా అనుకున్నారు. కానీ అవి ఎక్కువగా ఫిట్‌నెస్ గాడ్జెట్‌లగానే మిగిలిపోయాయి. జుకర్‌బర్గ్ (Zuckerberg)అభిప్రాయం ప్రకారం, “స్మార్ట్‌వాచ్‌లు ఎప్పటికీ స్పోర్ట్స్ గాడ్జెట్‌లుగానే ఉంటాయి”. కానీ స్మార్ట్‌గ్లాసెస్‌ అలా కాదు. అవి ఒక సమగ్రమైన కంప్యూటింగ్ ప్లాట్‌ఫామ్‌గా నిలవగలవు. ఎందుకంటే హ్యాండ్స్-ఫ్రీ వినియోగం అంటే స్మార్ట్‌గ్లాసెస్ చేతులు అవసరం లేకుండానే రోజువారీ పనులకు ఉపయోగపడతాయి.

Bigg Boss: బిగ్ బాస్ అసలైన అగ్ని పరీక్ష మొదలయిందా?

ఆగ్మెంటెడ్ రియాలిటీ (AR).. ఇవి మన కళ్ల ముందు డిజిటల్ సమాచారాన్ని, విజువల్స్ ను మిక్స్ చేసి ఇమ్మెర్సివ్ అనుభవాన్ని ఇస్తాయి.అలాగే సహజమైన ఇంటరాక్షన్ అంటే వాయిస్, జెస్చర్ , భవిష్యత్తులో న్యూరల్ కంట్రోల్స్ ద్వారా స్మార్ట్‌గ్లాసెస్‌ను కంట్రోల్ చేయొచ్చు. ముఖ్యమైన నోటిఫికేషన్లు మాత్రమే కళ్ల ముందు కనిపిస్తాయి.

ప్రస్తుతం మెటా విడుదల చేసిన Ray-Ban Stories గ్లాసెస్‌లో 5MP కెమెరా, బేసిక్ స్పీకర్లు, మరియు స్మార్ట్‌ఫోన్ కనెక్టివిటీ అవసరం వంటి ఫీచర్లు ఉన్నాయి. అయితే, భవిష్యత్తులో రాబోయే స్మార్ట్‌గ్లాసెస్‌లో వీటిని మరింత మెరుగుపరచనున్నారు. రాబోయే మోడల్స్‌లో 12MP+ AR ఓవర్‌లేతో కూడిన కెమెరా, స్పేషియల్ ఆడియోతో కూడిన నాయిస్ క్యాన్సిలేషన్ స్పీకర్లు, మరియు స్మార్ట్‌ఫోన్ అవసరం లేకుండానే పనిచేసే ఇండిపెండెంట్ సెల్యులార్/వైఫై కనెక్టివిటీ వంటి అడ్వాన్స్‌డ్ ఫీచర్లు వస్తాయని అంచనా.

ప్రాసెసింగ్ పవర్, బ్యాటరీ లైఫ్, ప్రైవసీ వంటి సవాళ్లు ఉన్నా కూడా, ఆర్టిఫిషియల్ ఇంటెలిజెన్స్ (AI) సహాయంతో ఈ సమస్యలను అధిగమించవచ్చని నిపుణులు చెబుతున్నారు. AI అసిస్టెంట్లు మన అవసరాలకు అనుగుణంగా సరైన సమాచారాన్ని, కాంటెక్స్‌చువల్ డేటాను అందిస్తాయి.

మెటా మాత్రమే కాదు, గూగుల్, ఆపిల్, స్నాప్ వంటి టెక్ దిగ్గజాలు కూడా స్మార్ట్‌గ్లాసెస్‌పై భారీగా పరిశోధనలు, అభివృద్ధి కార్యకలాపాలు నిర్వహిస్తున్నాయి. ఆపిల్ విజన్ ప్రో వంటివి ఇప్పటికే మార్కెట్‌లో ఈ పోటీని సూచిస్తున్నాయి. ఈ రంగంలో పోటీ వేల కోట్ల డాలర్ల పరిశ్రమలను మార్చనుంది. చైనాలో సముద్ర ఇంటర్నెట్ డ్రోన్‌లు వంటి కొత్త ఆవిష్కరణలతో ఈ టెక్ పోటీ మరింత ఆసక్తికరంగా మారింది.

New rules:సెప్టెంబర్ 1 నుంచి అమల్లోకి వచ్చే కొత్త రూల్స్

2030 నాటికి స్మార్ట్‌గ్లాసెస్‌ మన జీవితంలో భాగమైపోతాయని జుకర్‌బర్గ్ (Zuckerberg) నమ్ముతున్నారు. ఈ సాంకేతికత మిక్స్‌డ్ రియాలిటీ కంటెంట్‌ను తయారు చేసే అవకాశాలను విస్తరిస్తుంది. మనం ఫోటోలు తీయాలంటే ఫోన్‌ను బయటికి తీయాల్సిన అవసరం లేకుండా, కేవలం కంటితో చూసి, ఒక మాటతో ఫోటోలు తీసే రోజులు రాబోతున్నాయి.ఫోన్‌లు పూర్తిగా కనుమరుగైపోతాయా లేదా కొత్త రూపంలో స్మార్ట్‌గ్లాసెస్‌తో కలిసిపోతాయా అనేది కాలమే నిర్ణయిస్తుంది. అయితే, వేరబుల్ టెక్నాలజీ భవిష్యత్తును శాసించనుందనేది మాత్రం సుస్పష్టం.