Waterfalls : ఏపీ తెలంగాణలో ఎవరికీ తెలియని అందమైన జలపాతాలు ఇవే ..ఓసారి విజిట్ చేయండి

Waterfalls

పర్యాటక ప్రియులకు తెలుగు రాష్ట్రాల్లో అరకు వ్యూ పాయింట్స్, లంబసింగి మంచు అందాలు అంటే ప్రాణం. కానీ, ఇప్పుడు ఆ ప్లేసెస్ అన్నీ పర్యాటకులతో కిక్కిరిసిపోతున్నాయి.ఇప్పుడు ట్రెండ్ మారింది. ప్రజలు జనం తక్కువగా ఉండి, ప్రకృతి ఒడిలో ప్రశాంతంగా గడిపే అన్‌ఎక్స్‌ప్లోర్డ్ అంటే ఎవరికీ తెలియని ప్రదేశాల కోసం వెతుకుతున్నారు. ముఖ్యంగా ఏపీ, తెలంగాణ సరిహద్దుల్లో కొన్ని రహస్య జలపాతాలు(Waterfalls) ఉన్నాయి. సాహస యాత్రికులకు స్వర్గధామంగా మారిన ఆ వాటర్ ఫాల్స్ విశేషాలు ఇప్పుడు చూద్దాం.

కొండపల్లి సీక్రెట్ జలపాతం – దట్టమైన అడవిలో ఒక అద్భుతం (ఏపీ)

విజయవాడ అనగానే అందరికీ కనకదుర్గమ్మ గుడి, కొండపల్లి కోట గుర్తొస్తాయి. కానీ ఆ కొండపల్లి కోట వెనుక వైపు కొండల మధ్య ఒక అద్భుతమైన జలపాతం(Waterfalls) దాగి ఉందని చాలా తక్కువ మందికి తెలుసు. దీనిని స్థానికులు సీక్రెట్ వాటర్ ఫాల్ అని పిలుస్తారు.

ఇది ఎత్తైన కొండల నుంచి కిందకు పడుతున్నప్పుడు వచ్చే శబ్దం మైమరపిస్తుంది. ఇక్కడికి వెళ్లాలంటే కనీసం 2 కిలోమీటర్లు ట్రెకింగ్ చేయాలి. చుట్టూ దట్టమైన అడవి, పక్షుల కిలకిలరావాలు మిమ్మల్ని మరో లోకానికి తీసుకెళ్తాయి. విజయవాడ నుంచి కొండపల్లి కోటకు వెళ్లి, అక్కడ స్థానికుల సాయంతో అడవి మార్గంలో వెళ్లాల్సి ఉంటుంది.ట్రెకింగ్ అంటే ఇష్టపడే యువతకు, ఫోటోగ్రఫీ ప్రేమికులకు ఇది బెస్ట్ స్పాట్.

సదాశివ కోన – మెట్లలా పడే జలపాతాలు (చిత్తూరు జిల్లా)

తిరుపతికి దగ్గరలో ఉన్న పుత్తూరు మండలంలో సదాశివ కోన అనే అద్భుత ప్రదేశం ఉంది. ఇక్కడ జలపాతాలు ఒకదాని మీద ఒకటి మెట్లలా పడుతూ కిందకు ప్రవహిస్తాయి. ఇక్కడ శివాలయం ఉండటం వల్ల దీనికి ఆధ్యాత్మికత తోడైంది. ఇక్కడి జలపాతాల్లో నీరు ఎప్పుడూ స్వచ్ఛంగా ఉంటుంది.

ఈ నీటిలో స్నానం చేస్తే చర్మ వ్యాధులు తగ్గుతాయని, ఇక్కడ గాలిలో ఔషధ గుణాలు ఉంటాయని నమ్ముతారు. ఇక్కడికి చేరుకోవడానికి చేసే ప్రయాణం చాలా ఉత్సాహంగా ఉంటుంది. పచ్చని చెట్లు, ఎగుడు దిగుడు బాటల మధ్య సాగే ఈ ప్రయాణం మర్చిపోలేని అనుభూతిని ఇస్తుంది.

మల్లెల తీర్థం లోపలి మలుపులు (నల్లమల అడవులు – తెలంగాణ)

హైదరాబాద్‌కు దగ్గరలో ఉండే మల్లెల తీర్థం జలపాతం(Waterfalls) అందరికీ తెలిసిందే. కానీ చాలా మంది జలపాతం చూసి అక్కడితో ఆగిపోతారు. అసలైన మిస్టరీ దాని వెనుకే ఉంది. ప్రధాన జలపాతం నుంచి అడవి లోపలికి మరో కిలోమీటర్ వెళ్తే, పర్యాటకులు అస్సలు రాని చిన్న చిన్న జలపాతాల సమూహం కనిపిస్తుంది.

అక్కడ నీరు చాలా నిశ్శబ్దంగా, అద్దంలా మెరుస్తూ ఉంటుంది. 2025లో ప్రశాంతత కోరుకునే వారికి ఇది పర్ఫెక్ట్ ప్లేస్. ఇది నల్లమల అభయారణ్యం కాబట్టి క్రూర మృగాల భయం ఉంటుంది. అందుకే సాయంత్రం 4 గంటల లోపే తిరిగి రావడం ఉత్తమం.

తడ వాటర్ ఫాల్స్ (ఉబ్బలమడుగు)

నెల్లూరు-చిత్తూరు సరిహద్దులో ఉన్న తడ జలపాతాలు ఇప్పుడు సాహస ప్రియులకు ఫేవరెట్ గా మారాయి. ఇక్కడ ఉండే రాళ్లు, వాటి మధ్యలో ప్రవహించే నీరు ఒక అద్భుతమైన వ్యూని ఇస్తాయి. ఇక్కడ కనీసం 7 కిలోమీటర్ల ట్రెకింగ్ ఉంటుంది. అంటే ఇది ఫిట్ గా ఉండేవారికి ఒక ఛాలెంజింగ్ ట్రిప్.

ఈ ప్లేసెస్ ఇంకా పూర్తిగా కమర్షియల్ అవ్వలేదు. కాబట్టి అక్కడ హోటల్స్ ఉండవు. మీ వెంట ఆహారం, మంచినీరు, పవర్ బ్యాంక్ మరియు ఫస్ట్ ఎయిడ్ కిట్ తప్పనిసరిగా ఉంచుకోండి. అలాగే ప్రకృతిని ప్రేమించండి. మీరు తీసుకెళ్లే ప్లాస్టిక్ బాటిల్స్, కవర్లను అక్కడే పడేసి పర్యావరణాన్ని పాడు చేయకండి.

అడవి మార్గాల్లో వెళ్లేటప్పుడు కచ్చితంగా స్థానికుల సాయం తీసుకోండి. ఎందుకంటే మొబైల్ సిగ్నల్స్ సరిగ్గా ఉండవు కాబట్టి దారి తప్పే ప్రమాదం ఉంది.

ఈ వీకెండ్ లో రొటీన్ గా అరకు, లంబసింగి వెళ్లి రద్దీలో ఇబ్బంది పడటం కంటే.. ఈ మిస్టరీ జలపాతాలను చుట్టి రండి. కొత్త ప్లేసెస్ చూసిన తృప్తితో పాటు, ప్రకృతిలో గడిపిన ప్రశాంతత మీకు దక్కుతుంది.

Munnar:మున్నార్ ..మంచు మేఘాల మధ్య పచ్చని టీ తోటల అందాలు చూశారా?