Brahmotsavam

తిరుమల తిరుపతి దేవస్థానం (టీటీడీ) ఆధ్వర్యంలో ప్రతి ఏటా నిర్వహించే శ్రీవారి వార్షిక బ్రహ్మోత్సవాలు(Brahmotsavam)ఈసారి సెప్టెంబర్ 24, 2025న ప్రారంభమై అక్టోబర్ 2, 2025న ముగుస్తాయి. తొమ్మిది రోజుల పాటు జరిగే ఈ ఉత్సవాలు స్వామివారి వైభవాన్ని, భక్తుల ఆధ్యాత్మిక ఆనందాన్ని పెంపొందిస్తాయి. ఈ ఉత్సవాలను తిలకించేందుకు ప్రపంచం నలుమూలల నుంచి లక్షలాది భక్తులు తిరుమలకు తరలివస్తారు. ఈ ఉత్సవాల షెడ్యూల్ వివరాలు ఇలా ఉన్నాయి.

బ్రహ్మోత్సవాల(Brahmotsavam) ప్రారంభం: అంకురార్పణ (సెప్టెంబర్ 23, 2025)
బ్రహ్మోత్సవాలకు ఒక రోజు ముందుగా అంకురార్పణ కార్యక్రమంతో ఉత్సవాలు ప్రారంభమవుతాయి. ఈ రోజు సాయంత్రం 7:00 నుంచి 8:00 గంటల మధ్య విష్వక్సేన ఆరాధన , అంకురార్పణ జరుగుతాయి. ఇది ఉత్సవాలు నిర్విఘ్నంగా జరిగేందుకు చేసే ఒక సంప్రదాయ ఆచారం.

మొదటి రోజు: ద్వజారోహణం (సెప్టెంబర్ 24, 2025)
ఈరోజు ఉత్సవాలు అధికారికంగా ప్రారంభమవుతాయి. మధ్యాహ్నం 3:30 నుంచి 5:30 గంటల వరకు బంగారు తిరుచ్చి ఉత్సవం ఉంటుంది. సాయంత్రం 5:45 గంటలకు గరుడ ద్వజంను ఆలయ ధ్వజస్తంభంపై ఎగురవేస్తారు. దీనినే ద్వజారోహణం అంటారు. రాత్రి 9:00 నుండి 11:00 గంటల వరకు స్వామివారు పెద్ద శేష వాహనంపై ఊరేగుతారు.

రెండవ రోజు: స్నపన తిరుమంజనం (సెప్టెంబర్ 25, 2025)
ఉదయం 8:00 నుండి 10:00 గంటల వరకు స్వామివారు చిన్న శేష వాహనంపై ఊరేగుతారు. మధ్యాహ్నం 1:00 నుంచి 3:00 గంటల వరకు స్నపన తిరుమంజనం జరుగుతుంది. ఈ సమయంలో ఉత్సవ మూర్తులకు వివిధ సుగంధ ద్రవ్యాలతో అభిషేకం చేస్తారు. రాత్రి 7:00 నుండి 9:00 గంటల వరకు హంస వాహనంపై దర్శనమిస్తారు.

మూడవ రోజు (సెప్టెంబర్ 26, 2025)
ఉదయం 8:00 నుండి 10:00 గంటల వరకు సింహ వాహనంపై, రాత్రి 7:00 నుంచి 9:00 గంటల వరకు ముత్యాల పల్లకీ వాహనంపై స్వామివారు ఊరేగుతారు.

నాలుగవ రోజు (సెప్టెంబర్ 27, 2025)
ఉదయం 8:00 నుండి 10:00 గంటల వరకు కల్ప వృక్ష వాహనంపై, రాత్రి 7:00 నుంచి 9:00 గంటల వరకు సర్వభూపాల వాహనంపై స్వామివారు ఊరేగుతారు.

ఐదవ రోజు: గరుడ వాహనం (సెప్టెంబర్ 28, 2025)
బ్రహ్మోత్సవా(Brahmotsavam)లలో అత్యంత ముఖ్యమైన రోజు ఇది. ఉదయం 8:00 నుంచి 10:00 గంటల వరకు మోహినీ అవతారంలో స్వామివారిని దర్శించుకోవచ్చు. సాయంత్రం 6:30 నుండి రాత్రి 11:30 వరకు జరిగే గరుడ వాహన సేవ అత్యంత ప్రధానమైనది. ఈ వాహనంపై స్వామివారిని చూడటానికి లక్షలాది మంది భక్తులు తరలివస్తారు.

ఆరవ రోజు: స్వర్ణ రథోత్సవం (సెప్టెంబర్ 29, 2025)
ఉదయం 8:00 నుంచి 10:00 గంటల వరకు హనుమంత వాహనంపై, రాత్రి 7:00 నుంచి 9:00 గంటల వరకు గజ వాహనంపై స్వామివారు ఊరేగుతారు. సాయంత్రం 4:00 నుండి 5:00 గంటల వరకు జరిగే స్వర్ణ రథోత్సవం ఈ రోజుకు ప్రత్యేక ఆకర్షణ.

ఏడవ రోజు (సెప్టెంబర్ 30, 2025)
ఉదయం 8:00 నుంచి 10:00 గంటల వరకు సూర్యప్రభ వాహనంపై, రాత్రి 7:00 నుంచి 9:00 గంటల వరకు చంద్రప్రభ వాహనంపై స్వామివారు ఊరేగుతారు.

ఎనిమిదవ రోజు: రథోత్సవం (అక్టోబర్ 1, 2025)
ఈరోజు ఉదయం 6:00 గంటల నుంచి రథోత్సవం (భవ్య రథ యాత్ర) జరుగుతుంది. ఈ రథాన్ని భక్తులే స్వయంగా లాగుతారు. రాత్రి 7:00 నుంచి 9:00 గంటల వరకు అశ్వ వాహనంపై స్వామివారిని దర్శించుకోవచ్చు.

తొమ్మిదవ రోజు: చక్రస్నానం, ముగింపు (అక్టోబర్ 2, 2025)
బ్రహ్మోత్సవాల చివరి రోజు ఇది. తెల్లవారుజామున 3:00 నుంచి 6:00 గంటల వరకు పల్లకీ ఉత్సవం , తిరుచ్చి ఉత్సవం జరుగుతాయి. ఉదయం 6:00 నుంచి 9:00 గంటల వరకు జరిగే చక్రస్నానంతో ఉత్సవాలు ముగింపునకు వస్తాయి. సాయంత్రం 7:00 గంటలకు ద్వజావరోహణంతో ఉత్సవాలు అధికారికంగా ముగుస్తాయి.

OG Trailer: ఓజీ ట్రైలర్ వచ్చేసింది పవన్ ఫ్యాన్స్ కు యాక్షన్ మీల్స్