Brain: మనకు నచ్చని వాళ్లే ఎక్కువగా మన మైండ్‌లో ఎందుకు తిరుగుతారు?

Brain

మన లైఫ్‌లో మంచి మనుషులు ఉంటారు. మనల్ని గౌరవించే వాళ్లు ఉంటారు. మనకి సహాయం చేసిన వాళ్లు ఉంటారు. కానీ మనం నిద్రపోయే ముందు గుర్తొచ్చేది మాత్రం ఎవరో ఒకరు చెప్పిన చిన్న మాట, చేసిన చిన్న అవమానం, మనకు నచ్చని ఒక వ్యక్తి. ఇది ఎందుకు జరుగుతుంది? మన మెదడు (Brain) ఎందుకు మంచి అనుభవాలను వదిలేసి, నెగటివ్ మనుషులకే (Negative People) ఎక్కువ చోటు ఇస్తుంది?

సైకాలజీ (Psychology) దీనిని నెగటివిటీ బయాస్ (Negativity Bias) అంటుంది. మన బ్రెయిన్ బేసిక్‌గా మనల్ని ప్రమాదాల (Dangers) నుంచి కాపాడడానికి తయారైంది. మంచి విషయం జరిగితే బ్రెయిన్ సరే అంటుంది. కానీ చెడు అనుభవం జరిగితే మాత్రం దాన్ని గట్టిగా రికార్డ్ (Record) చేసుకుంటుంది. ఎందుకంటే అదే మళ్లీ రిపీట్ కాకూడదని బ్రెయిన్ అలర్ట్ అవుతుంది. అందుకే ఎవరో ఒకరు మనల్ని అవమానిస్తే, మనల్ని పట్టించుకోకపోతే, మన బ్రెయిన్ దాన్ని పదే పదే రీప్లే చేస్తుంది.

ఇక్కడ అసలు సమస్య వాళ్లు కాదు. మన స్పందన (Our Reaction). నచ్చని వాళ్లు మనల్ని ఇబ్బంది పెట్టడం వల్ల కాదు, మనం వాళ్ల మాటలకు విలువ ఇవ్వడం వల్ల వాళ్లు మన మెదడులో తిరుగుతారు. ఎవరో ఒకరు మన గురించి చెడు అనుకుంటే, మనలో చిన్న అనుమానం పుడుతుంది. వాళ్లు చెప్పింది నిజమా? అన్న ప్రశ్న మెదడులో మొదలవుతుంది. ఈ అనుమానమే వాళ్లకు మన బ్రెయిన్‌లో పవర్ ఇస్తుంది.

ఇంకో ముఖ్యమైన విషయం ఏమిటంటే—మన బ్రెయిన్‌(Brain)కు క్లోజర్ (Closure) కావాలి. ఎవరైనా మనల్ని హర్ట్ (Hurt) చేస్తే, వాళ్ల నుంచి స్పష్టమైన సమాధానం రాకపోతే, మన మెదడు ఆ సీన్‌ని వదలదు. వాళ్లు అలా ఎందుకు చెప్పారు?, నేను అలా చేయకపోతే ఏమయ్యేది? అని తిరుగుతూనే ఉంటుంది. ఇది ఓవర్ థింకింగ్ (Overthinking) కాదు. ఇది అన్‌ఫినిష్డ్ ఎమోషన్ (Unfinished Emotion).

సైకాలజీ చెప్పే సింపుల్ సొల్యూషన్ ఏంటంటే—వాళ్ల నుంచి క్లోజర్ రావాలని ఎదురు చూడకూడదు. మనమే మనకి క్లోజర్ ఇవ్వాలి. వాళ్ల మాటలు వాళ్ల స్థాయి, వాళ్ల ప్రవర్తన నా విలువను నిర్ణయించదు అని మన మైండ్‌కు స్పష్టంగా చెప్పాలి. నచ్చని వాళ్లు మనల్ని మార్చలేరు. కానీ మనం వాళ్లను మైండ్‌లో ఉంచుకుంటే మన ప్రశాంతతను (Peace) వాళ్లకే అప్పగించినట్టే.

మన మెదడు(Brain)లో ఎవరికీ స్థానం ఇవ్వకూడదు. ప్రత్యేకంగా మన గౌరవాన్ని గుర్తించని వాళ్లకు. మన శాంతి అనేది ఒక ఎంపిక. వాళ్లను మర్చిపోవడం కాదు. వాళ్లకు మన మైండ్‌లో ప్రాధాన్యం (Priority) తగ్గించడం. అది జరిగితే… నచ్చని వాళ్లు మన జీవితంలో ఉన్నా, మన మనసులో ఉండరు.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి