Desk yoga: WFH ఒత్తిడి, భుజాల నొప్పిని తగ్గించే 10 నిమిషాల ‘డెస్క్ యోగా’ టెక్నిక్స్

Desk yoga

కరోనా మహమ్మారి తర్వాత ప్రపంచవ్యాప్తంగా పెరిగిన ‘వర్క్ ఫ్రమ్ హోమ్’ (WFH) సంస్కృతి అనేక సౌకర్యాలను అందించినా కూడా.. ఆరోగ్యపరంగా వెన్ను, మెడ నొప్పులు అనే కొత్త సమస్యలను సృష్టించింది. ఒకే భంగిమలో ఎక్కువసేపు కదలకుండా కూర్చోవడం వలన వెన్నెముకపై ఒత్తిడి పెరుగుతుంది, భుజాలు , మెడ కండరాలు బిగుసుకుపోతాయి. దీని వల్ల దీర్ఘకాలిక నొప్పులు, భంగిమ లోపాలు (Posture Defects) ఏర్పడుతున్నాయి.

ఈ సమస్యకు సులువైన, సమర్థవంతమైన పరిష్కారం ‘డెస్క్ యోగా(Desk yoga)’ లేదా ‘చైర్ స్ట్రెచెస్’. దీనికి మీరు కుర్చీని వదిలి వెళ్లాల్సిన అవసరం లేదు. ప్రతి 60 నుంచి 90 నిమిషాలకు ఒకసారి 5 నుంచి 10 నిమిషాలు ఈ స్ట్రెచ్‌లను చేయడం ద్వారా శరీరంలో రక్త ప్రసరణ మెరుగుపడుతుంది, కండరాల ఒత్తిడి తగ్గుతుంది.

డెస్క్ యోగా(Desk yoga)లో ముఖ్యమైనవి:

మెడ సాగతీతలు (Neck Stretches).. కూర్చున్న చోటే మెడను నెమ్మదిగా ఒక పక్కకు, ఆపై మరో పక్కకు వంచి, చెవిని భుజాన్ని తాకే ప్రయత్నం చేయాలి. ఇది మెడ కండరాలలో పేరుకుపోయిన బిగుతును తగ్గిస్తుంది.

భుజాల తిప్పడం (Shoulder Rolls).. భుజాలను నెమ్మదిగా ముందు వైపు, ఆపై వెనుక వైపు గుండ్రంగా తిప్పడం వల్ల భుజాల చుట్టూ ఉన్న కండరాలు విశ్రాంతి పొందుతాయి. ఇది కీబోర్డ్ షోల్డర్ అని పిలువబడే సమస్యను తగ్గిస్తుంది.

వెన్నెముక సాగతీత (Spinal Twist).. కుర్చీలో కూర్చుని, నడుము భాగాన్ని ఒక పక్కకు మెలితిప్పి, కుర్చీ వెనుక భాగాన్ని పట్టుకోవాలి. ఇది వెన్నెముక యొక్క వశ్యతను (Flexibility) పెంచుతుంది . నడుము నొప్పిని నివారిస్తుంది.

ఈ కదలికలు కేవలం శారీరక నొప్పులకే కాకుండా, మానసిక ఒత్తిడిని తగ్గించడంలో కూడా సహాయపడతాయి. చిన్న విరామాలలో శరీరాన్ని కదపడం వల్ల మెదడుకు తాజా ఆక్సిజన్ అందుతుంది, ఏకాగ్రత పెరుగుతుంది అలాగే అలసట తగ్గుతుంది. డెస్క్ యోగాను రోజువారీ రొటీన్‌లో భాగం చేసుకోవడం అనేది ఆరోగ్యకరమైన, చురుకైన పని జీవితానికి పునాది అవుతుంది.

Rahul Gandhi:సైన్యంపై వివాదాస్పద వ్యాఖ్యలు..  రాహుల్ గాంధీపై విమర్శలు