Karma:కర్మలు మూడు రకాలు.. చిత్తశుద్ధి, పుణ్యం, కోరిక.. దేనికి ఏ కర్మ?

Karma

హిందూ ధర్మంలో కర్మ(Karma)లను వాటి ఉద్దేశాన్ని బట్టి, సమయాన్ని బట్టి వర్గీకరిస్తారు. ముఖ్యంగా నిత్యకర్మ , నైమిత్తిక కర్మ అనే రెండు రకాల కర్మలకు వాటి ప్రత్యేకమైన ఫలితాలు ఉన్నాయి.

1. నిత్యకర్మ (Daily Obligations)..నిత్యకర్మ అనేది మనం రోజువారీ విధిగా చేయాల్సిన పనులు. ఉదాహరణకు, రోజూ స్నానం చేయడం, ఉదయం, సాయంత్రం దీపం పెట్టడం, పూజా మందిరాన్ని శుభ్రం చేయడం వంటివి.

ఫలితం ఉండదు, కానీ దోషం ఉంటుంది.. నిత్యకర్మలు చేస్తే ప్రత్యేకంగా పెద్ద ఫలితాలు (పుణ్యం) లభించవు. కానీ, వాటిని చేయకపోతే మాత్రం దోషం కలుగుతుంది. అంటే, ఇవి మన దైనందిన జీవితంలో తప్పనిసరిగా పాటించాల్సిన కనీస ధార్మిక నియమాలు.

ప్రయోజనం చిత్తశుద్ధి.. నిత్యకర్మ యొక్క ప్రధాన ప్రయోజనం చిత్తశుద్ధి కొరకు. అంటే, మన మనసును, శరీరాన్ని, మరియు పరిసరాలను శుభ్రంగా, మరియు పవిత్రంగా ఉంచుకోవడం. ఈ చిత్తశుద్ధి వల్లే మనం మరింత ఉన్నతమైన కర్మలు చేయడానికి, మరియు ధ్యానం చేయడానికి మనసును సిద్ధం చేసుకోగలుగుతాం. నిత్యం కర్మలు చేయడం మనలో క్రమశిక్షణను, పవిత్రతను నిలబెడతాయి.

2. నైమిత్తిక కర్మ (Occasional Obligations)..నైమిత్తిక కర్మ అంటే ఒక ప్రత్యేక తిథి, సమయం, లేదా సందర్భాన్ని బట్టి చేసేటటువంటి పనులు. ఈ కర్మలకు ప్రత్యేక ఫలితాలు (పుణ్యం) లభిస్తాయి.

ప్రత్యేక ఫలితాలు.. నైమిత్తిక కర్మ(Karma)లు ఒక ప్రత్యేకమైన సందర్భంలోనే చేస్తారు కాబట్టి, వాటిని ఆ సమయానికి చేయడంలోనే అద్భుతమైన పుణ్యం దాగి ఉంటుంది.

ఉదాహరణ దీపావళి.. దీపావళి పండుగనాడు తెల్లవారు ఝామున తలస్నానం చేయడం ఒక నైమిత్తిక కర్మ. పురాణాల ప్రకారం, ఆ రోజున గంగానది భూమండలంలో ఉన్న అన్ని జలాల్లోకి ప్రవేశిస్తుంది. అందుకే, ఆ రోజున ఏ నీటిలో స్నానం చేసినా గంగానదిలో స్నానం చేసిన పుణ్యం లభిస్తుంది.

తైలే లక్ష్మీ, జలే గంగా.. దీపావళి నాడు తలస్నానం చేసేటప్పుడు ఒంటికి నూనె రాసుకోవడం ఒక ఆచారం. దీని వెనుక ఉన్న భావన ‘తైలే లక్ష్మీ’ (నూనెలో లక్ష్మి), ‘జలే గంగా’ (నీటిలో గంగ). నూనె రాసుకుంటే లక్ష్మీదేవి శరీరంలో ప్రవేశించి శుభాన్ని కలిగిస్తుందని, అలక్ష్మి (దరిద్రం) బయటికి వెళ్ళిపోతుందని నమ్ముతారు.

నిత్యకర్మ చిత్తశుద్ధి కొరకు. నైమిత్తిక కర్మ(Karma) పరమ పుణ్యాన్ని సంపాదించుకోవడం కోసం. ఈ రెండూ ధార్మిక జీవితంలో సమతుల్యతను, ఆధ్యాత్మిక పురోగతిని సాధించడానికి చాలా అవసరం

Coldest cities: ఊహకు అందని చలి.. ప్రపంచంలో అత్యంత చల్లని నగరాలు ఇవే!