kidney stones: కిడ్నీలో రాళ్లుంటే ఏం చేయాలి? ఏం చేయకూడదు?
kidney stones:మన శరీరంలోని వ్యర్థ పదార్థాలను, మలినాలను శుద్ధి చేసి మూత్రం ద్వారా బయటకు పంపే ముఖ్యమైన పనిని కిడ్నీలు చేస్తాయి.
Kidney stones
నేటి ఆధునిక జీవనశైలిలో చాలామంది ఎదుర్కొంటున్న ప్రధాన ఆరోగ్య సమస్యలలో ఒకటి కిడ్నీలో రాళ్లు(Kidney stones) ఏర్పడటం. ఈ సమస్యకు వయసుతో సంబంధం లేదు. ఈ మధ్యకాలంలో యువత కూడా దీని బారిన పడుతున్నారు. కిడ్నీలో రాళ్లు ఎందుకు వస్తాయి, వాటిని ఎలా నివారించవచ్చో తెలుసుకుందాం.
మన శరీరంలోని వ్యర్థ పదార్థాలను, మలినాలను శుద్ధి చేసి మూత్రం ద్వారా బయటకు పంపే ముఖ్యమైన పనిని కిడ్నీలు చేస్తాయి. అయితే, కొంతమందిలో ఈ శుద్ధి చేసే సామర్థ్యం తక్కువగా ఉంటుంది. దీని ఫలితంగా వ్యర్థ పదార్థాలు పూర్తిగా బయటకు వెళ్లకుండా లోపలే ఉండిపోతాయి. అవి క్రమంగా స్ఫటికాల మాదిరిగా గట్టిపడి రాళ్లుగా తయారవుతాయి. ఈ సమస్యకు ప్రధాన కారణం శరీరానికి తగినంత నీరు అందకపోవడం, అంటే డీ-హైడ్రేషన్కు గురికావడం.
కిడ్నీలో రాళ్లు (Kidney stones) రాకుండా ఉండాలంటే అత్యంత సులభమైన, ఉత్తమమైన మార్గం తగినంత నీరు తాగడం. మనం ఎక్కువ నీరు తాగినప్పుడు, కిడ్నీలు చురుకుగా పనిచేస్తాయి. దీనివల్ల వ్యర్థాలు, మలినాలు మూత్రం ద్వారా సులభంగా బయటకు వెళ్లిపోతాయి. దాహాన్ని బట్టి మాత్రమే కాకుండా, క్రమం తప్పకుండా నీళ్లు తాగడం మంచిది.
రోజుకు ఎన్ని లీటర్ల నీళ్లు తాగాలనేదానిపై నిపుణులు ఒక కచ్చితమైన సంఖ్యను సూచించరు. అది శరీర రకం, శారీరక శ్రమ, వాతావరణంపై ఆధారపడి ఉంటుందని చెబుతారు. ముఖ్యంగా ఉష్ణోగ్రతలు ఎక్కువగా ఉన్నప్పుడు 5-6 లీటర్ల నీళ్లు తాగినా ఎలాంటి సమస్య ఉండదు. ప్రతిరోజూ కనీసం 2 లీటర్ల మూత్రం శరీరంలో నుంచి బయటకు వెళ్లేలా నీళ్లు తాగడం మంచిదని వైద్యులు సూచిస్తున్నారు. ఇది కిడ్నీల ఆరోగ్యాన్ని కాపాడటంలో కీలక పాత్ర పోషిస్తుంది.
కిడ్నీలో రాళ్లు(Kidney stones) రాకుండా ఉండాలంటే కొన్ని రకాల ఆహార పదార్థాలకు దూరంగా ఉండటం మంచిది. వీటిలో ఆక్సలేట్స్ అనే పదార్థాలు ఎక్కువగా ఉంటాయి, ఇవి రాళ్లు ఏర్పడటానికి దోహదం చేస్తాయి. ముఖ్యంగా, టొమాటో, పాలకూర, క్యాబేజీ, క్యాలీఫ్లవర్ వంటి వాటిని తక్కువగా తీసుకోవాలి. అలాగే జంక్ ఫుడ్స్, నట్స్, మటన్ వంటి వాటిలో కూడా ఆక్సలేట్స్ ఎక్కువగా ఉంటాయని వైద్య నిపుణులు చెబుతున్నారు. ఈ పదార్థాలను తక్కువ మొత్తంలో తీసుకోవడం వల్ల రాళ్లు ఏర్పడే ప్రమాదాన్ని తగ్గించుకోవచ్చు.
Bigg Boss: బిగ్ బాస్ అగ్నిపరీక్ష ప్రయోగం ఫెయిలా? సక్సెసా?
అయితే కిడ్నీలో రాళ్ల సమస్య ఉన్నవారికి పాలు తాగడం గురించి చాలా సందేహాలు ఉంటాయి. పాలలో కాల్షియం ఎక్కువగా ఉండటం వల్ల రాళ్లను పెంచుతాయేమో అని భయపడతారు. అయితే, రోగి ఆరోగ్య పరిస్థితిని బట్టి ఇది మారుతుందని డాక్టర్లు సూచిస్తున్నారు. పూర్తిగా మానేయడం కంటే, తక్కువ మోతాదులో తీసుకోవడం మంచిది. అవసరమైతే వైద్యుల సలహా తీసుకోవాలి.
కిడ్నీలో రాళ్లు రాకుండా ఉండాలంటే సరైన ఆహారం, తగినంత నీరు, ఆరోగ్యకరమైన జీవనశైలిని పాటించడం చాలా అవసరం. చిన్నపాటి జాగ్రత్తలతో ఈ సమస్యను నివారించవచ్చు. ఏదైనా ఆరోగ్య సమస్య ఉన్నప్పుడు, తప్పకుండా డాక్టర్ సలహా తీసుకోవడం మంచిది.
New rules:సెప్టెంబర్ 1 నుంచి అమల్లోకి వచ్చే కొత్త రూల్స్
