lose weight : ఏయ్.. AI తో కూడా బరువు తగ్గొచ్చు..

lose weight :సాధారణంగా బరువు తగ్గాలంటే జిమ్‌కు వెళ్లాలి, కఠిన వ్యాయామాలు చేయాలి, డైట్‌ పాటించాలి అని అనుకుంటాం. కానీ, అమెరికాకు చెందిన ఓ యూట్యూబర్ ఈ నిబంధనలన్నిటినీ బద్దలు కొట్టాడు. అతడు కేవలం చాట్ జీపీటీ సహాయంతో 11 కిలోల బరువు తగ్గి అందరినీ ఆశ్చర్యపరిచాడు. ఈ అద్భుతం ఎలా జరిగిందో చూద్దాం..

lose weight

ఊబకాయంతో కోడి క్రోన్ పడిన పాట్లు
56 ఏళ్ల కోడి క్రోన్, ‘మిస్టర్ రాంగ్లర్ స్టార్’గా అమెరికాలో బాగా పాపులర్. నిత్యం పదుల సంఖ్యలో ప్రజలకు కనిపించే వ్యక్తిగా, తన బరువుతో తీవ్ర ఇబ్బందులు పడ్డారు. అధిక రక్తపోటు, మధుమేహం వంటి రకరకాల సమస్యలు ఆయనను వేధించాయి. బరువు తగ్గించుకోవడానికి ఎన్నో ప్రయత్నాలు చేశారు. రోజూ ఉదయం, సాయంత్రం వాకింగ్ వెళ్ళడం, వ్యాయామం చేయడం, జంక్ ఫుడ్‌ను పూర్తిగా మానేసి పోషకాలున్న ఆహారం మాత్రమే తీసుకోవడం వంటివి చేశారు. కానీ, బరువు మాత్రం రవ్వంత కూడా తగ్గలేదు. ఏం చేయాలో పాలుపోక నిరాశలో కూరుకుపోయారు.

‘ఛాట్ జీపీటీ’తో కొత్త మలుపు..
అప్పుడే కోడి క్రోన్‌కు ఒక వినూత్న ఆలోచన వచ్చింది. సాధారణంగా మనం జిమ్‌లో ట్రైనర్‌ను పెట్టుకుంటాం, లేదా డైటీషియన్‌ను కలుస్తాం. కానీ కోడి క్రోన్ ఏకంగా చాట్ జీపీటీని ఆశ్రయించారు! బరువు తగ్గించుకోవడానికి ఒక పక్కా ప్రణాళికను రూపొందించాల్సిందిగా చాట్ జీపీటీని కోరారు. చాట్ జీపీటీ ఇచ్చిన సలహాలు, సూచనలు పాటించడం మొదలుపెట్టారు.

చక్కెర పూర్తిగా బంద్: తీపి పదార్థాలు, కూల్ డ్రింక్స్ పూర్తిగా మానేశారు.

కంటి నిండా నిద్ర: సరైన సమయానికి పడుకోవడం, తగినంత నిద్రపోవడం అలవాటు చేసుకున్నారు.

శారీరక శ్రమ: బద్ధకాన్ని వదిలి, రోజువారీ పనుల్లో శారీరక శ్రమను పెంచుకున్నారు.

పనికిమాలిన ఆహారం దూరం: జంక్ ఫుడ్, వేపుళ్లు వంటి వాటికి పూర్తిగా స్వస్తి పలికారు.

క్రమబద్ధమైన జీవనశైలి: ఆహారపు అలవాట్లు, నిద్ర, వ్యాయామాలను ఒక పద్ధతి ప్రకారం అనుసరించారు.

అద్భుతమైన ఫలితం..
నమ్మశక్యం కాని విధంగా, కేవలం 46 రోజుల్లోనే కోడి క్రోన్ 11 కిలోల బరువు తగ్గారు! జిమ్‌కి వెళ్ళకుండా, యోగా చేయకుండా, శరీరాన్ని కష్టపెట్టకుండానే ఆయన ఈ అద్భుతాన్ని సాధించారు. ఒకప్పుడు ముందుకు వచ్చిన పొట్టతో ఇబ్బంది పడిన కోడి, ఇప్పుడు నాజుకైన శరీరంతో కనిపిస్తున్నారు.

“నాకు ఒకప్పుడు జంక్ ఫుడ్ అంటే పిచ్చి. రాత్రిపూట మేలుకునే వాడిని. కానీ ఇప్పుడు నాకు అటువంటి అలవాట్లు లేవు. చాట్ జీపీటీ నన్ను పూర్తిగా మార్చేసింది. ఒక రకంగా చెప్పాలంటే నాకు ట్రైనర్ అయిపోయింది. నా శరీరం ముద్దు వచ్చే విధంగా ఉంది. ఇది అద్భుతమైన పరిణామ క్రమం!” అని కోడి క్రోన్ ఆనందంగా చెబుతున్నారు. నడవడం, పరిగెత్తడం, కూర్చోవడం వంటివి ఇప్పుడు చాలా సులభంగా మారాయని ఆయన పేర్కొన్నారు.

కోడి క్రోన్ కథ మనందరికీ ఒక గుణపాఠం. బరువు తగ్గడం అనేది కేవలం జిమ్‌లో గంటలు గంటలు గడపడం, తీవ్రంగా వ్యాయామం చేయడమే కాదు. సరైన జీవనశైలిని అలవర్చుకోవడం, క్రమశిక్షణతో కూడిన ఆహారపు అలవాట్లను పాటించడం, మరియు అవసరమైతే ఆధునిక సాంకేతికతను ఉపయోగించుకోవడం ద్వారా కూడా మనం అనుకున్న లక్ష్యాన్ని సాధించవచ్చు. మీరూ ప్రయత్నిస్తారా?